Грыжанка

Грыжанка
Асноўны складнік	бручка

Грыжа́нка (па-летувіску: griēžtis — бручка) — традыцыйная літоўская (беларуская) і жамойцкая (летувіская) страва, суп з бручкі.

Найчасьцей забельвалася малаком — такая грыжанка гатавалася пераважна ўзімку. Часта ў грыжанку дзеля «путранасьці» (мучністасьці) дадавалася бульба. Як правіла, у адрозьненьне ад аналягічных страваў з морквы, гарбузу і г. д., бручка ў грыжанцы не расьціралася ў пюрэ, а заставалася нарэзанай кубікамі. У асобных выпадках грыжанка магла гатавацца і зь мясам, а не малаком. Была важнай крыніцай вітаміну C (амаль не разбураецца пры варцы бручкі) ў зімовым харчаваньні.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1997. — Т. 5: Гальцы — Дагон. — 576 с. — ISBN 985-11-0090-0