Герб Белай Царквы
| Герб Белай Царквы | |
 | |
| Апісаньне | |
|---|---|
| Зацьверджаны | 3 кастрычніка 1998 |
Герб Белай Царквы — герб гораду Белая Царква ў Кіеўскай вобласьці, адзін зь яго афіцыйных знакаў.
Гісторыя
[рэдагаваць | рэдагаваць крыніцу]На працягу шматвекавой гісторыі геральдыка Белай Царквы зьведала шмат зьменаў. Геральдычных пазначэньняў з часу заснаваньня Яраславам Мудрым гораду не засталося. Самая першая згадка пра герб Белай Царквы адносіцца да 1589 году, калі польскі кароль Жыгімонт III Ваза зацьвердзіў прывілеі гораду на сойме ў Варшаве, надаўшы гораду і яго жыхарам Магдэбурскае права. Тады і быў зацьверджаны герб гораду: лук з нацягнутай цецівой, а на ім тры стралы.
Але асаблівы ўплыў на зьмяненьне геральдыкі гораду мела сям’я Браніцкіх, якая бярэ пачатак з 1543 году, калі на сойме ў Кракаве біскуп познанскі і хелмскі Себастыян Браніцкі і яго брат Мікалай былі прыпісаны да дваранскага гербу «Корчак».
Герб гораду паступова зьмяняецца родавым гербам Браніцкіх, дзе на францускім геральдычным шчыце па чырвоным фоне разьмешчаны тры гарызантальныя срэбраныя паласы, якія звужаюцца да нізу. Над шчытом — дваранскія шлем і карона, на кароне авальная чара, зь якой варта зваротная налева сабака з паднятымі пярэднімі лапамі. Гэта намалявана на фоне срэбранага намёта, падбітага чырвоным.
Пасьля кастрычніцкага перавароту 1917 году геральдыка гораду і Браніцкіх была адмененая, і толькі ў пасьляваенны пэрыяд пачалі яе аднаўляць, ды і то ў скажоным выглядзе. У ёй паяднаныя і сымбалі старажытнай Белай Царквы і графаў Браніцкіх, і тагачасныя савецкія сымбалі і колеры. 28 сьнежня 1982 г. рашэньнем Белацаркоўскага гарвыканкаму быў зацьверджаны новы герб, праект якога выканаў мастак В. А. Калыска (шчыт перарэзаным, у верхнім чырвоным полі лук са іншым стралой і дата «1032», у ніжнім сінім полі — каланада «Рэха», пшанічны каласок, паўшэсьцерні і палова аўтамабільнай шыны). Той герб быў дзейны да 1998 г. Цяпер Белая Царква мае герб і сьцяг, зацьверджаныя рашэньнем трэцяй нечарговай сэсіі Белацаркоўскага гарадзкога савету XXIII скліканьня ад 3 кастрычніка 1998 году.
Літаратура
[рэдагаваць | рэдагаваць крыніцу]- Белая Царква. Шлях праз стагоддзі — Белая Царква. — 1993