Генры Русота

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Генры Русота
Henry A. Russotto
Chaim Niaświski.jpg
Дата нараджэньня 28 сакавіка 1869
Месца нараджэньня Сьцяг Расеі Ружаны, Гарадзенская губэрня
Дата сьмерці 14 лютага 1925
Месца сьмерці Сьцяг ЗША Нью-Ёрк
Занятак дырыгент, кампазытар

Ге́нры Алякса́ндар[1] Русо́та (па-ангельску: Henry A. Russotto або Russotta), Хаім Нясьвіскі, Генры Нясьвіскі (па-ангельску: Henry Niswizski[2]; 28 сакавіка 1869, Ружаны Гарадзенскай губэрні Расейскае імпэрыі14 лютага 1925, Нью-Ёрк, ЗША) — жыдоўскі дырыгент, кампазытар.

Жыцьцяпіс[рэдагаваць | рэдагаваць крыніцу]

Нарадзіўся 28 сакавіка 1869 (паводле іншых зьвестак — у 1871[3]) у мястэчку Ружаны Гарадзенскай губэрні Расейскае імпэрыі (цяпер у Пружанскім раёне Берасьцейскай вобласьці).

Бацька, Аляксандар-Эліэзэр Нясьвіскі (вядомы таксама як Зісл Ружанер), мясцовы хазан, аўтар музыкі да малітвы «Га-мітпалель». Ажаніўся з Фэйгай Зольцман пасьля сьмерці ягонай першай жонкі, зь якой меў уласных дзяцей. Для Фэйгі Зольцман шлюб з Аляксандрам-Эліэзэрам таксама быў другім. Першы муж, Ешыва Бахер, зь якім яны мелі дачку Ганну, быў адлучаны ад царквы праз жаданьне вывучаць клясычныя мовы[4].

Хаім Нясьвіскі пачаў кар’еру рэгентам хору сынагогі «Тэгарат га-кадэш» у Вільні. Ажаніўшыся з выпускніцай Віленскай кансэрваторыі Люізай Русота, узяў прозьвішча жонкі. У 1891 пераехалі ў ЗША, дзе Хаім неўзабаве зрабіўся вядучым аранжыроўнікам ды папулярызатарам жыдоўскай музыкі. З 1896 — дырыгент і кампазытар у нью-ёркскім тэатры «Лібэрці».

У 1899 скончыў кар’еру музыкі і заняўся асьветніцкай дзейнасьцю, заснаваў нотнае выдавецтва.

У 19081917 — кантар сынагогі «Ізраэль» у нью-ёркскім раёне Паркўэй. З моманту заснаваньня Амэрыканскай асацыяцыі кантараў — кіраўнік яе хору.

Быў адным з заснавальнікаў нью-ёркскага таварыства аматараў расейскай опэры пры тэатры «Талія».

Генры Русота сканаў у Нью-Ёрку 14 лютага 1925.

Творчасьць[рэдагаваць | рэдагаваць крыніцу]

Першай буйной працай Хаіма Русота была аранжыроўка музыкі Аўрама Гальдфадэна да спэктаклю «Ахашвэраш», а найбольш вядомы аўтарскі твор — музыка да спэктаклю «Шашана» (ружа) паводле п’есы Нахума-Мэіра Шайкевіча ў нью-ёркскім тэатры «Лібэрці».

Запісаў амаль 2 тысячы аранжыровак і арыгінальных мэлёдыяў, выдадзеных дзясяткамі тысячаў асобнікаў.

Крыніцы і заўвагі[рэдагаваць | рэдагаваць крыніцу]

  1. ^ Імя па бацьку.
  2. ^ Descendants of Alexander Eliezer Niswizski(анг.) Friends and Family. A&W gateway. Праверана 16 ліпеня 2019 г.
  3. ^ Henry Niswizski (1871 - )(анг.). Ancestry.com. Праверана 16 ліпеня 2019 г.
  4. ^ Niswitzski/Russotto/Abileah Branch(анг.)

Вонкавыя спасылкі[рэдагаваць | рэдагаваць крыніцу]