Галіна Ісаевіч

Галіна Ісаевіч
Дата нараджэньня	30 студзеня 1922
Месца нараджэньня	Віцебск, Расейская СФСР
Дата сьмерці	26 траўня 1998
Адукацыя	Менская мастацкая вучэльня (1951)
Месца вучобы	Менскі дзяржаўны мастацкі каледж імя Аляксея Глебава (1951)
Занятак	мастачка-дэкаратарка
Месца працы	Міністэрства прамысловасці будаўнічых матэрыялаў БССР[d]
Сябра ў	Беларускі саюз мастакоў
Жанры	малярства
Плынь	дэкаратыўна-дастасоўнае мастацтва
Працы	карціна «Іслач» (1955), «Фіялетавы» туалетны набор (1957), крыштальны выраб «Прыцемкі» (1968) і кампазыцыя «Слава гераічнаму Менску» (1983)
Узнагароды	бронзавы мэдаль Сусьветнай выставы ў Брусэлі (1958)

Галі́на Анато́леўна Ісае́віч (1922, Віцебск, цяпер Беларусь — 1998) — беларуская мастачка-дэкаратарка.

Узнагароджаная бронзавым мэдалём на Сусьветнай выставе ў Брусэлі (1958) за «Фіялетавы» туалетны набор (прыбор «Амэтыст»). Галоўная мастачка Міністэрства прамысловасьці будаўнічых матэрыялаў БССР (1957—1985).

Жыцьцяпіс

У 1951 годзе скончыла Менскую мастацкую вучэльню. Стварыла жывапісныя карціны «Іслач» і «Трацьцякоўшчына» (1955), «Родная Беларусь» (1958). У 1958 годзе на Сусьветнай выставе ў Брусэлі (Бэльгія) атрымала бронзавы мэдаль за «Фіялетавы» туалетны набор (прыбор «Амэтыст»). У 1957—1985 гадох была галоўнай мастачкай Міністэрства прамысловасьці будаўнічых матэрыялаў БССР. Распрацавала ўзоры вырабаў са шкла і крышталю з тонкім спалучэньнем адценьняў і вытанчанасьцю формаў: «Прыцемкі» (1968), «Цюльпаны» (1969), «Лета» (1971), «Вячэрні» і «Сьвяточны» (1972), «Вясна» (1973), «Зарыва» (1975), «Сьвятлафоры» (1976), «Серабрысты іней» (1980), «Зімовая казка» і «Папараць-кветка» (1982). Прысьвяціла юбілеям тэматычныя кампазыцыі: «Ураджайная» (1957), «Кастрычнік» (1967), «Сяброўства народаў» (1974), «Беларусь» (1977), «Урачыстасьць» (1982) і «Слава гераічнаму Менску» (1983).