Vuraj

«VuRaj» (бел. Вурай) — беларускі музычны гурт (Менск), які экспэрымэнтуе зь беларускім фальклёрам. Чароўнае перапляценьне вобразаў беларускай міталёгіі і аўтарскага бачаньня фальклёру надаюць непаўторнае адценьне і самабытнасьць калектыву.

Гісторыя

Этна-гурт «VuRaj» быў заснаваны ў 2010 годзе. Першапачатковы стыль музыкі — інструмэнтальны тэатар, казачны фольк. Першыя альбомы  Vuraj (2010) і «Песні, казачкі ды танцы» (2012).

Новы этап калектыва — стварэньне праграмы на аснове беларускіх, палескіх песень і выхад поўнафарматнага альбома «Rajok» (2014). Гэты альбом стаў найлепшым фолк-альбомам году паводле вэрсіі сайту Experty.by.

У 2015 року гурт прэзэнтаваў на партале Тузін Гітоў двухбаковы EP, тры песьні зь якога зьяўляюцца аўтарскімі апрацоўкамі народных сьпеваў, а астатнія тры — іхняй аўтэнтычнай вэрсіяй. У 2016 гурт быў адзначаны прэміяй «Героі году» ад парталу Тузін Гітоў з фармулёўкай «за музычную актыўнасьць».

«VuRaj» плённа экспэрымэнтуе з музычнымі афарбоўкамі. Відавочная фольк-рокавая, ды й уласна рокавая, накіраванасьць некаторых твораў перамяжоўваецца з даволі акадэмічным нэаклясычным гучаньнем. «VuRaj» практыкуе й непрыхаваны нэафольк побач з джазавымі гукамі ды рысамі псыхадэлікі. Кожная кампазыцыя, хаця і абапіраецца карэньнямі на аўтэнтычны сьпеўны матэрыял таго ці іншага рэгіёну Беларусі,  зьяўляецца цалкам самастойным творам.

Дыскаграфія

• «Vuraj» (2010)
• «Песні, казачкі ды танцы» (2012)
• «Rajok» (2014)
• «Шэсць загадок» (EP, 2015)
• «Вэлытай, пэрэпылко» (сумесны з Re1ikt інтэрнэт-самотнік, 2016)

Склад гурта

• Сяржук Доўгушаў — вакал, дудкі
• Вольга Палякова — флейта
• Аляксандар Ясінскі — баян
• Настасься Папова — скрыпка
• Данііл Залескі — бубны
• Эрык Арлоў-Шымкус — кантрабас
• Іван Арцімовіч — гітара

Былыя ўдзельнікі

• Кацярына Крывашэйцава — тамбак, пэркусія
• Глеб Анішчанка — кантрабас
• Андрэй Еўдакімаў — гітара, гармонік
• Андрэй Гарошка — бубны

Фэстывалі

Гурт VuRaj прымаў удзел у фэстывалях:

• Этна-фэст «Ад неба на паўметры» (Менск 2009)
• Graffiti Open Music Fest (Менск 2009)
• Музычны спарынг (Менск, 2010 г.)
• Пустые холмы — 2010 (Масква-Калуга, 2010 г.)
• Міжнародны фэстиваль «Флюгери Львова» (г. Львоў, 2011 г.)
• Міжнародны фэстиваль Киівські «Флюгери Львова» (г. Кіеў, 2011 г.)
• Пустые холмы — 2011
• Басовішча-2011
• Город Золотой (ПХ, Крым 2011 г.)
• Этна-Млын (Беларусь, Дудуткі,2012)
• Камяніца-2012 (Беларусь, Строчыцы)
• Міжнародны этнічны фэстываль «КРАЇНА МРІЙ» (г. Кіеў, Украіна 2013 г.)
• «Цукеркавы Фэст» (Івянец, Беларусь, 2013 г.)
• Этна-фэстываль «Сунічны Джэм» (г. Менск, Беларусь, 2014 г.)
• Міжнародны эка-культурны фэстываль «Трипільське коло» (г. Ржышчаў, Кіеўская вобл., Украіна, 2014)
• Фэстываль «Арт Пікнік Слави Фролової» (ВДНГ, г. Кіеў, Украіна 2014 г.)
• Этна-фэстываль «Трипільські зорі» (г. Чаркасы, Украіна 2014 г.)
• Фэстываль «Вольнае паветра» (Хутар «Шаблі», Беларусь 2014 г.)
• «Solidarni z Białorusią» (Гданьск, Польшча 2015 г.)
• «Sianokosy nad Narwią Kupalle» (Нараў, Польшча 2015 г.)
• Фэстываль міталёгіі «У госьці да лепельскага Цмока» (г. Лепель, Беларусь 2015, 2016 г)
• Фэстываль «Камяніца» (Беларусь, 2015)
• Фэстываль «Mikołajki Folkowe» (Люблін, Польшча, 2016)
• Pohoda (Славаччына, 2017)
• Folkowisko Festiwal kultury pogranicza (Польшча, 2017)
• Basowiszcza / Басовішча — festiwal muzyki młodej Białorusi (Польшча, 2017)
• Atlas Weekend (Кіеў, Украіна, 2017)
• Міжнародны фэстываль "Дикая мята" (Россия, 2017)
• Фэстываль "Дунайська Січ" (Ізмаіл, Украіна, 2017)

Вонкавыя спасылкі

• Бачына ў сеціве
• Vuraj у Facebook
• Vuraj на Last.fm