Вольга Калацкая

	Вольга Калацкая
Асабістыя зьвесткі
Нарадзілася	1971; Менск, БССР, СССР;
Літаратурная дзейнасьць
Род дзейнасьці	перакладніца

Во́льга Калацкая (нар. 1971, Менск, Беларуская ССР) — беларуская перакладчыца, пэдагог.

Жыцьцяпіс

Скончыла Менскі інстытут замежных моваў. У 1993—2001 рр. выкладала ангельскую мову і пераклад у Менскім дзяржаўным лінгвістычным унівэрсытэце. У 1999—2008 выкладала мастацкі пераклад на аддзяленьні філязофіі і літаратуры Беларускага Калегіюму.

Перакладала творы Вірджыніі Вульф, Ўільяма Голдынга, Артура Голдэна, Дэна Браўна, Пола Остэра, Тоні Парсанза, Тэнесі Ўільямса, Маргарэт Этвуд. Пераклады друкаваліся ў часопісах «Крыніца», «Дзеяслоў» і «ARCHE».

Супольна з Ілонай Урбановіч і Зьмітром Саўкам пераклала фільм «Глядыятар», мультфільмы «Шрэк», «Шрэк-2» і інш. У 2010—2015 перакладала фільмы для тэлеканалу «Белсат», у тым ліку «Гіцляў», «Ідэальнага мужа», «Сямейку Сьмітаў», «Мэдсястру Бэці», «Рычарда ІІІ».

15 студзеня 2021 року затрыманая^[1] па абвінавачваньні ў «злосным хуліганстве»^[2].

Крыніцы

^ Перакладчыца Вольга Калацкая праходзіць па крымінальным артыкуле. Беларуская асацыяцыя журналістаў (16 студзеня 2021). Праверана 15 лютага 2021 г.
^ Нібыта ўдарыла Азаронка. Перакладчыцы Вользе Калацкай пагражае да 6 гадоў пазбаўленьня волі Людзі. Радыё „Свабода“ (15 лютага 2021). Праверана 15 лютага 2021 г.

Вонкавыя спасылкі

Жыцьцяпіс на бачыне „ПрайдзіСьвету“
Вольга Калацкая ў Facebook

[1] Перакладчыца Вольга Калацкая праходзіць па крымінальным артыкуле. Беларуская асацыяцыя журналістаў (16 студзеня 2021). Праверана 15 лютага 2021 г.

[2] Нібыта ўдарыла Азаронка. Перакладчыцы Вользе Калацкай пагражае да 6 гадоў пазбаўленьня волі Людзі. Радыё „Свабода“ (15 лютага 2021). Праверана 15 лютага 2021 г.

[1]

[2]