Васіль Саковіч (літоўскі баярын)

Васіль Саковіч
лац. Vasil Sakovič
	; Герб «Памян»
Асабістыя зьвесткі
Памёр	каля 1473
Род	Саковічы (род)
Бацькі	Станіслаў Сак;
Жонка	Мілохна
Дзеці	Сьцечка, Кацярына

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Васіль Саковіч.

Васіль Саковіч (? — каля 1473) — літоўскі баярын.

Імя

Варыянты імя ў гістарычных крыніцах: Basilius alias Waschko Sakowycz (25 лютага 1444 году)^[1], Васко Сакович^[2].

Біяграфія

З шляхецкага роду Саковічаў гербу «Памян», сын літоўскага баярына Станіслава Сака, які 2 кастрычніка 1413 году падпісаў Акт Гарадзельскай уніі з Польшчай, а пазьней атрымаў пасаду старосты дубінскага. Меў братоў Андрэя, Яна, Станіслава, Алехну, Пятра і Фёдарава.

У 1473 годзе запісаў тры маёнткі брату Яну. Іншыя ўладаньні атрымаў у спадчыну Багдан Андрэевіч Саковіч.

У шлюбе зь Мілохнай (нявысьветленага паходжаньня) меў сына Сьцечку і дачку Кацярыну. 25 ліпеня 1444 году разам з жонкай, дачкой Кацярынай ды іншымі неназванымі дзецьмі зрабіў ахвяраваньне віленскім францішканам.

Крыніцы

^ Kodeks dyplomatyczny katedry i diecezji Wilenskiej. T. 1, z. 1: 1387—1468. — Kraków, 1932. S. 203.
^ Пятраўскас Р. Літоўская знаць у канцы XIV—XV ст.. — 2-е выд. — Смаленск, 2014. С. 293.

Літаратура

Пятраўскас Р. Літоўская знаць у канцы XIV—XV ст.: Склад — структура — улада / пераклад А. Мікус. — 2-е выд. — Смаленск: Інбелкульт, 2014. — 386 с. — ISBN 978-5-00076-015-4

[1] Kodeks dyplomatyczny katedry i diecezji Wilenskiej. T. 1, z. 1: 1387—1468. — Kraków, 1932. S. 203.

[2] Пятраўскас Р. Літоўская знаць у канцы XIV—XV ст.. — 2-е выд. — Смаленск, 2014. С. 293.

[1]

[2]