Васіль Жулега

Васіль Жулега
Род дзейнасьці	канструктар
Дата нараджэньня	1 красавіка 1949 (77 гадоў)
Месца нараджэньня	Менск, Беларуская ССР, Савецкі Саюз
Грамадзянства	Беларусь
Месца вучобы	Менскі радыётэхнічны інстытут (1971)
Прафэсія	інжынэр
Навуковая сфэра	вынаходнік[d] і тэхноляг[d]
Месца працы	«Беларускае оптыка-мэханічнае аб’яднаньне»
Гады дзейнасьці	зь 1971-га
Вядомы як	распрацоўнік лазэрных прыцэлаў для супрацьтанкавых ракетаў
Пасада	галоўны тэхноляг ААТ «Пеленг»
Тэрмін	зь 2004 году
Бацька	Апанас Жулега
Узнагароды	Ленінская прэмія (1982)

Васіль Апанасавіч Жулега (1949, Менск, цяпер Беларусь) — беларускі канструктар.

Распрацоўнік лазэрных прыцэлаў навядзеньня для танкаў і супрацьтанкавых ракетаў. Ляўрэат Ленінскай прэміі (1982).

У 1971 годзе скончыў Менскі радыётэхнічны інстытут і працаўладкаваўся на «Менскі мэханічны завод», што ўтварыў «Беларускае оптыка-мэханічнае аб’яднаньне» («БелОМА»). У 1973 годзе стаў галоўным канструктарам танкавых оптыка-электронных прыцэлаў «Бастын», «Шэксна» і «Сьвір». У 1976 годзе перайшоў на працу ў Цэнтральнае канструктарскае бюро «Пеленг» у складзе «БелОМА». У 1981 годзе «БелОМА» наладзіла сэрыйную вытворчасьць распрацаваных ім лазэрных прыцэлаў навядзеньня супрацьтанкавых ракетаў, аналягаў якіх не існавала ў сьвеце наступныя 10 гадоў. У 1982 годзе атрымаў за распрацоўку Ленінскую прэмію. У 1996 годзе заняў пасаду кіраўніка сумеснага прадпрыемства «Саноэт». У 2004 годзе стаў галоўным тэхнолягам ААТ «Пеленг».