Бэцкаўскі замак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Славутасьць
Бэцкаўскі замак
Beckovský hrad
Агульны выгляд замку
Агульны выгляд замку
Краіна Славаччына
Вёска Бэцкаў
Каардынаты 48°47′27″ пн. ш. 17°53′53″ у. д. / 48.79083° пн. ш. 17.89806° у. д. / 48.79083; 17.89806Каардынаты: 48°47′27″ пн. ш. 17°53′53″ у. д. / 48.79083° пн. ш. 17.89806° у. д. / 48.79083; 17.89806
Дата заснаваньня XII стагодзьдзе
Статус ахоўваецца дзяржавай[1]
Сайт Афіцыйны сайт
Бэцкаўскі замак на мапе Славаччыны
Бэцкаўскі замак
Бэцкаўскі замак
Бэцкаўскі замак
Commons-logo.svg Бэцкаўскі замак на Вікісховішчы

Бэцкаўскі замак (па-славацку: Beckovský hrad) — рэшткі сярэднявечнага замку ў вёсцы Бэцкаў ля Новага-Мэста-над-Вагам. Аб’ект занесены ў сьпіс нацыянальных славутасьцяў Славаччыны(sk).

Мінуўшчына[рэдагаваць | рэдагаваць крыніцу]

Замак упершыню згаданы ў Ананімнай хроніцы XII стагодзьдзя, што пацьверджана й археалягічнымі раскопкамі.

У XIII стагодзьдзі на скале над Вагам на граніцы Трэнчанскай і Нітранскай жупаў паўстаў каменны замак з ахоўным мурам. За Матушам Чакам Трэнчанскім Бэцкаў апынуўся ў ягоным валоданьні. У другой палове XIV стагодзьдзя замкам валодалі Сьцібараўцы з Польшчы, якія ў той час былі адным з найзамошнейшых родаў Вугоршчыны. Пасьля іх замак перайшоў пад каралеўскую ўладу, пад якой ён дасягнуў свайго найбольшага размаху.

На пераломе XIV—XV стагодзьдзяў пачалася перабудова замку, падчас якой былі збудаваныя вежы і гатычны палац з рыцарскай заляй і капліцаю. У сярэдзіне XVI стагодзьдзя замак умацаваны дзеля асманскай пагрозы: у ніжнім ярусе замку паставілі гарматную вежу і ўзвысілі акольны мур. У гэты час замак ужо належаў роду Банфі. Пасьля іхняга згасаньня ў 1646 року маёнткі былі падзеленыя між пераемнікамі. Новыя ўласьнікі не клапаціліся лёсам замку, які пачаў паступова разбурацца. У 1727 року адбыўся пажар, які зьнішчыў большасьць пабудоваў, і з тае пары замак быў закінуты.

Галерэя[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Бэцкаўскі замаксховішча мультымэдыйных матэрыялаў