Перайсьці да зьместу

Боян Багданавіч

Зьвесткі зь Вікіпэдыі — вольнай энцыкляпэдыі
Боян Багданавіч
Пазыцыя: лёгкі форвард, атакавальны абаронца
Рост: 202 см
Вага: 98 кг
Грамадзянства:
Нарадзіўся: 18 красавіка 1989(1989-04-18)[1][2][3] (36 гадоў)
Драфт

31, драфт НБА 2011 году
Маямі Гіт

Клюбы
Гады Клюб
2004—2005 Зрынскі[d]
2005—2009 Рэал Мадрыд
2005—2006 → Зрынскі[d]
2006—2008 → Рэал Мадрыд Б[d]
2008—2009 → УКАМ[d]
2009—2011 Цыбона[d]
2009 → Рэал Мадрыд Б[d]
2011—2014 Фэнэрбахчэ
2014—2017 Бруклін Нэтс
2017 Вашынгтон Ўізардс
2017—2019 Індыяна Пэйсэрз
2019—2022 Юта Джаз
2022—2024 Дэтройт Пістанз
2024 Нью-Ёрк Нікс
2024—2025 Бруклін Нэтс
Статыстыка на NBA.com

Боян Багданавіч (па-харвацку: Bojan Bogdanović; нар. 18 красавіка 1989 году, Мостар, СР Босьнія і Герцагавіна, СФР Югаславія) — колішні харвацкі баскетбаліст. Цягам кар’еры бараніў колеры розных клюбаў НБА.

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Багданавіч пачаў сваю баскетбольную кар’еру ў 2004 годзе ў клюбе «Зрынскі» з роднага гораду. У 2005 годзе падпісаў пяцігадовы кантракт з мадрыдзкім «Рэалам», але адразу быў аддадзены ў арэнду ў «Зрынскі» на адзін год. У наступныя гады бараніў колеры мадрыдцаў, а ў 2008 годзе на правах арэнды далучыўся да «Мурсіі», а па сэзоне 2008—2009 гадоў разьвітаўся з «Рэалам»[4]. У жніўні 2009 году далучыўся да харвацкай «Цыбоны»[4], праз год падоўжыўшы кантракт на тры гады. Пазьней Багданавіч называў повязь з клюбам як аднага з чыньнікаў таго, што ён пастанавіў прадстаўляць Харватыю на міжнародным узроўні[5]. 19 чэрвеня 2011 году Багданавіч падпісаў шматгадовы кантракт з «Фэнэрбахчэ»[6]. 23 чэрвеня 2011 году ён быў абраны камандай «Маямі Гіт» пад агульным 31-м нумарам на драфце НБА 2011 году. Пазьней яго абмянялі ў «Мінэсоту Тымбэрўулвз», а затым зноў у «Нью-Джэрзі Нэтс» у ноч драфту[7][8]. Тым часам сам гулец працягваў бараніць колеры турэцкага клюбу[9].

Багданавіч (на тле) у матчы за «Вашынгтон Ўізардс».

20 ліпеня 2014 году баскетбаліст склаў трохгадовую ўгоду з «Бруклін Нэтс» на 10 мільёнаў даляраў[10][11]. Пасьля пачатку ў першых 19 гульнях сэзону 2014—2015 гадоў Багданавіч страціў месца ў асноўным складзе 10 сьнежня супраць «Чыкага Булз»[12]. У апошнім матчы рэгулярнага сэзону «Нэтс» 15 красавіка ў матчы супраць «Арланда Мэджык» Багданавіч згуляў найлепшую гульню ў сэзоне, набраўшы 28 пунктаў пры ўдалых 12-і кідках з 17-і зробленых, і дапамог «Нэтс» заняць 8-е месца ва Ўсходняй канфэрэнцыі, перамогшы зь лікам 101:88[13]. У першым раўндзе плэй-оф «Нэтс» прагулялі «Атланта Гокс» зь лікам 4:2. 5 сакавіка 2016 году гулец набраў рэкордныя за кар’еру 44 пункты ў пераможным матчы над «Філадэлфіяй Сэвэнці Сыксэрз» зь лікам 131:114. Ягоны вынік стаў найбольшым сярод гульцоў «Нэтс» з тых часоў, як Дэран Ўільямз набраў 57 пунктаў 4 сакавіка 2012 году, і найбольшым сярод усіх гульцоў «Нэтс» з моманту пераезду каманды ў Бруклін перад сэзонам 2012—2013 гадоў[14].

22 лютага 2017 году Багданавіч быў абменены ў «Вашынгтон Ўізардс»[15]. Ужо 1 сакавіка ён набраў 27 пунктаў у матчы супраць «Таронта Рэптарз»[16]. Праз чатыры дні ён назьбіраў 15 пунктаў з 27 агулам набраных, закінуўшы пяць трохпунктавых кідкоў[17]. 7 сакавіка ён набраў 29 пунктаў і ўсталяваў рэкорд франшызы паводле колькасьці выкананых штрафных кідкоў, паклаўшы на свой рахунак 16 з 16 пунктаў у пераможным матчы ныд «Фінікс Санз»[18]. 10 ліпеня 2017 году баскетбаліст падпісаў кантракт з «Індыянай Пэйсэрз»[19]. Цягам сэзону ён двойчы набраў 29 пунктаў у матчах супраць «Бруклін Нэтс» і «Мілўокі Бакс». У трэцім матчы першага раўнду плэй-оф харват набраў 30 пунктаў, але агулам «Пэйсэрз» саступілі ў сэрыі «Кліўлэнд Кавальерз». 28 лютага 2019 году ён усталяваў свой максымум, набраўшы 37 пунктаў у матчы супраць «Мінэсоты Тымбэрўулвз»[20][21]. 7 ліпеня 2019 году Багданавіч падпісаў чатырохгадовы кантракт з «Ютай Джаз» на 73 мільёны даляраў[22], што зрабіла яго самым высокааплатным харвацкім спартоўцам за ўсю гісторыю. У траўні 2019 году выбыў праз траўму, заўчасна скончыўшы сэзон. 7 траўня 2021 году баскетбаліст набраў рэкордныя за кар’еру 48 пунктаў матчы супраць «Дэнвэр Нагетс»[23][24].

У складзе зборнай Харватыі.

26 верасьня 2022 году гулец быў абменены ў «Дэтройт Пістанз»[25]. Багданавіч дэбютаваў у «Пістанз» 19 кастрычніка, набраўшы 24 пункты і зрабіўшы пяць падбораў у пераможным матчы над «Арланда Мэджык» зь лікам 113:109. 31 кастрычніка склаў новую двухгадовую ўгоду зь «Пістанз» на 39,1 мільёнаў даляраў[26]. 8 лютага 2024 году гулец трапіў у «Нью-Ёрк Нікс»[27]. Улетку 2024 году быў зноў абменены ў «Бруклін Нэтс». 29 чэрвеня 2025 году Багданавіч абвесьціў аб завяршэньні кар’еры, спасылаючыся на пэрыядычныя траўмы ступні[28].

Міжнародная

[рэдагаваць | рэдагаваць крыніцу]

Багданавіч прыцягваўся да матчаў зборных Харватыі розных векаў. У 2010 годзе далучыўся да нацыянальнай зборнай Харватыі на чэмпіянат сьвету 2010 году. У ліпені 2012 году галоўны трэнэр зборнай Ясьмін Рэпэша выключыў Багданавіча з каманды з дысцыплінарных чыньнікаў[29].

Тым ня менш ён зноў далучыўся дахарвацкай каманды на чэмпіянат Эўропы 2013 году і чэмпіянат сьвету 2014 году. Ён таксама прадстаўляў Харватыю на чэмпіянаце Эўропы 2015 году, дзе каманда была выбітая ад зборнай Чэхіі[30]. За шэсьць матчаў на турніры ён набіраў у сярэднім 10,8 пунктаў ды рабіў 3,4 падборы і 1,2 перадачы пры 31,5 % удалых кідкоў за гульню. Гулец таксама прадстаўляў Харватыю на летніх Алімпійскіх гульнях 2016 году ў Рыю-дэ-Жанэйру. Ён стаў самым выніковым баскетбалістам турніру, набіраючы 25,3 пунктаў за гульню пры 50,6 % трапнасьці кідкоў.

Крыніцы

[рэдагаваць | рэдагаваць крыніцу]
  1. ^ а б в г д Bojan Bogdanovic // FIBA database
  2. ^ а б в г д ACB.com
  3. ^ а б в г д TBLStat.net
  4. ^ а б «Cibona bags young forward Bojan Bogdanovic». Sportando.
  5. ^ «Cibona adds two, extends two». Sportando.
  6. ^ «Fenerbahce announces Bogdanovic and Gist». Sportando.
  7. ^ «Wolves Complete Five Draft-Night Trades». NBA.
  8. ^ «NETS Acquire Draft Rights to Bojan Bogdanovic». NBA.
  9. ^ «Zeljko Obradovic: 'Bojan Bogdanovic told me that he’ll stay'». Sportando.
  10. ^ «Brooklyn Nets Sign Bojan Bogdanovic». NBA.
  11. ^ «Nets agree to sign Bojan Bogdanovic to 3-year deal». SBNation.
  12. ^ «Bojan Bogdanovic continues to ride the pine». Nets Daily.
  13. ^ «Nets clinch playoff spot after win, Pacers loss». NBA.
  14. ^ «Bogdanovic scores career-high 44, Nets beat 76ers 131-114». NBA.
  15. ^ «Wizards Acquire Bojan Bogdanovic and Chris McCullough». Monumental Sports Network.
  16. ^ «Wizards snap 8-game skid against Raptors with 105-96 win». ESPN.
  17. ^ «Bogdanovic hits 8 3-pointers, Wizards beat Magic 115-114». ESPN.
  18. ^ «Bogdanovic, Beal, Wall lead Wizards past pesky Suns, 131-127». ESPN.
  19. ^ «Pacers Sign Bojan Bogdanovic». NBA.
  20. ^ Rappaport, Greg (28.02.2019). «Game Rewind: Pacers 122, Timberwolves 115». NBA.
  21. ^ «Bogdanovic has season-high 35 points, Pacers top Wolves». ESPN.
  22. ^ «Jazz Sign Forward Bojan Bogdanović». NBA.
  23. ^ «Bogdanovic scores career-high 48 points, Jazz beat Nuggets». CBSSports.
  24. ^ «Bojan Bogdanovic’s career-high 48 points carry Utah Jazz over Nuggets in playoff-like atmosphere». The Salt Lake Tribune.
  25. ^ Treasure, Angie (26.09.2022). «Utah Jazz Acquire Kelly Olynyk, Saben Lee and Cash Considerations». NBA.
  26. ^ «Bojan Bogdanovic, Pistons reach 2-year, $39.1 million extension». ESPN.
  27. ^ «New York Knicks Acquire Bojan Bogdanovic and Alec Burks». NBA.
  28. ^ «Bojan Bogdanovic retires after 10 NBA seasons». ESPN.
  29. ^ «Bojan Bogdanovic kicked out of Croatian National Team»(недаступная спасылка). Sportando.
  30. ^ «Czechs make first quater-final trip». Eurobasket2015.org.
Атрымана з «https://be-tarask.wikipedia.org/w/index.php?title=Боян_Багданавіч&oldid=2639625»