Цэнтральны банк Расеі

Зьвесткі зь Вікіпэдыі — вольнай энцыкляпэдыі
(Перанакіравана з «Банк Расеі»)
Перайсьці да навігацыі Перайсьці да пошуку
Цэнтральны банк Расеі
Центральный банк Российской Федерации
Абрэвіятура ЦБР
Папярэднік Расейскі рэспубліканскі банк Дзяржбанку СССР
Дата ўтварэньня 13 ліпеня 1990 (30 гадоў таму)
Тып цэнтральны банк
Штаб-кватэра Масква
Каардынаты 55°27′ пн. ш. 37°22′ у. д. / 55.45.47° пн. ш. 37.37.17° у. д. / 55.45.47; 37.37.17Каардынаты: 55°27′ пн. ш. 37°22′ у. д. / 55.45.47° пн. ш. 37.37.17° у. д. / 55.45.47; 37.37.17
Дзейнічае ў рэгіёнах Расея
Старшыня Эльвіра Набіўліна
Сайт [1]

Цэнтральны банк Расейскай Фэдэрацыі (Банк Расеі) (па-расейску: Центральный банк Российской Федерации (Банк России)) — галоўны банк першага ўзроўню, галоўны эмісійны, грашова-крэдытны інстытут Расейскай Фэдэрацыі, які распрацоўвае і ажыцьцяўляе ў супрацы з Урадам Расейскай Фэдэрацыі адзіную грашова-крэдытную палітыку і надзелены асаблівымі паўнамоцтвамі, у прыватнасьці, правам эмісіі грашовых знакаў і рэгуляваньня дзейнасьці банкаў.

Банк Расеі выконвае ролю галоўнага каардынацыйнага і рэгулюючага органа ўсёй крэдытнай сыстэмы краіны, выступае органам эканамічнага кіраваньня. Банк Расеі кантралюе дзейнасьць крэдытных арганізацыяў, выдае і адклікае ў іх ліцэнзіі на ажыцьцяўленьне банкаўскіх апэрацыяў, а ўжо крэдытныя арганізацыі працуюць зь іншымі юрыдычнымі і фізычнымі асобамі, пры гэтым Банк Расеі таксама зьяўляецца юрыдычнай асобай.