Баляслаў Віславух

Баляслаў Віславух
па-польску: Bolesław Wysłouch
Асабістыя зьвесткі
Нарадзіўся	22 лістапада 1855(1855-11-22) Залужжа, Кобрынскі павет, Гарадзенская губэрня, Літоўскае генэрал-губэрнатарства, Расейская імпэрыя
Памёр	13 верасьня 1937(1937-09-13) (81 год) Львоў, Польская Рэспубліка
Партыя	Польская народная партыя «Вызваленьне» Польская народная партыя „Пяст“[d]
Адукацыя	Санкт-Пецярбурскі дзяржаўны тэхналягічны інстытут
Сужэнец	Марыя Віславух

Магіла Марыі і Баляслава Віславухаў у Львове

Балясла́ў Ігна́цы Віславу́х (па-польску: Bolesław Ignacy Wysłouch; 22 лістапада 1855, маёнтак Саха, Кобрынскі павет, Расейская імпэрыя, цяпер Залужжа, Драгічынскі раён Берасьцейскай вобласьці Беларусі — 13 верасьня 1937, Львоў, Львоўскае ваяводзтва, Польская Рэспубліка) — польскі грамадзкі дзяяч, публіцыст, палітык.

Жыцьцяпіс

Паходзіў з шляхецкага палескага роду Віславухаў. Скончыў Тэхналягічны інстытут у Пецярбургу (1879) па спэцыяльнасьці інжынэр-хімік. Адсядзеў 3 гады ў Варшаўскай цытадэлі; вызваліўшыся, пасяліўся ў Львове.

Быў выдаўцом і рэдактарам шэрагу выданьняў: «Przegląd Społeczny», «Kurier Lwowski», «Przyjaciel Ludu» (1889—1902). У 1894 быў ініцыятарам стварэньня Польскага дэмакратычнага таварыства, а ў 1895 — Сялянскай партыі ў Галіцыі, уваходзіў у ейную Цэнтральную раду. У 1912—1913 — кіраўнік партыі ПСП — Зьвяз незалежных сялянаў, у 1913—1923 — сябра ПСЛ «Пяст», у 1923—1925 — сябра ПСЛ «Вызваленьне», у 1925 — сябра Клюбу працы. У 1922—1927 — сэнатар, пасьля чаго адышоў ад палітыкі.

Жонка — Марыя з Боўфалаў, грамадзкая дзяячка, асьветніца, арганізатарка нацыянальнага руху ў Галіцыі. Аўдавеўшы, другі раз жаніўся з Браніславай з Шабатоўскіх, палкоўнік Польскіх узброеных сілаў на Захадзе, інспэктарка Жапаможнай службы жанчынаў.

Памёр у Львове, пахаваны на Лычакаўскіх могілках.

Літаратура

• Brock, Boleslaw Wyslouch: Founder of the Polish Peasant Party. Slavonic and East European Review, xxx (74), 1951.
• Mazurek, Kraj a emigracja. Instytut Studiów Iberyjskich i Iberoamerykańskich, Warsaw, 2006.
• Kudłaszyk, Wysłouch, Myśl społeczno-polityczna Bolesława Wysłoucha: 1855—1937. Wrocław, 1978.
• Encyklopedia PWN, 2007.

Вонкавыя спасылкі

• Publikacje Bolesława Wysłoucha w serwisie Polona.pl
• Dwór Socha, Wysłouchowie.