Арыбэрт Гайм

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Арыбэрт Гайм (па-нямецку: Aribert Heim; 28 чэрвеня 1914, Бад-Радкерсбург10 жніўня 1992, Эгіпет[1]) — аўстрыйскі і нямецкі лекар, ваенны злачынец, вядомы пад мянушкай «Доктар Сьмерць».

Гайм нарадзіўся ў Аўстра-Вугоршчыне ў сям’і паліцыянта і хатнія гаспадыні. Ён вывучаў мэдыцыну і займаўся мэдычнай практыкай у Вене да 1940 году, калі паступіў добраахвотнікам у Вафэн-СС.

Мянушку «Доктар Сьмерць» Гайм атрымаў падчас Другой сусьветнай вайны за сваю дзейнасьць у канцэнтрацыйным лягеры Маўтхаўзэн, разьмешчанага на тэрыторыі сучаснай Аўстрыі. У Маўтхаўзэне ён служыў з кастрычніка 1941 па лютым 1942 году. Гайм нясе адказнасьць за катаваньні і забойствы сотняў зьняволеных у лягеры сьмерці, дзе праводзіў «мэдыцынскія экспэрымэнты» на зьняволеных габрэях.

Сярод экспэрымэнтаў — правядзеньне апэрацыяў безь зьнячуленьня, каб усталяваць, наколькі моцны боль выпрабоўвае пацыент, а таксама ўвядзеньне сваім ахвярам ін’екцыі бэнзіну, вады або яду наўпрост у сэрца. Мэта гэтых «экспэрымэнтаў» — вызначыць, як хутка надыходзіць сьмерць ад таго або іншага дзеяньня.

Асноўным доказам злачынстваў Гайма зьяўляюцца яго ўласныя запісы: усе праведзеныя апэрацыі Гайм скрупулёзна апісваў.

У 1945 годзе амэрыканскія вайскоўцы арыштавалі «Дактара Сьмерць», аднак у 1947 годзе ён быў адпушчаны і аж да 1962 году вёў мэдыцынскую практыку ў Заходняй Нямеччыне — працаваў у Мангейме, а затым гінэколягам у нямецкім курортным горадзе Бадэн-Бадэн. Калі стала вядома, што ён павінен паўстаць перад нямецкім судом па абвінавачваньні ў зьдзяйсьненьні ваенных злачынстваў, Арыбэрт Гайм бясьсьледна зьнік з гораду, а паліцыянты знайшлі толькі яго пустую вілу.

У ліпені 2008 году прадстаўнікі Цэнтра Сымона Візэнталя заявілі, што з двух надзейных крыніц былі атрыманыя дадзеныя, што Гайм, якому павінна быць на цяперашні момант 94 гады, хаваецца на поўдні Чылі, у Патагоніі. Адным з доказаў гэтай вэрсіі зьяўляецца тое, што дачка Гайма жыве ў Патагоніі.

4 лютага 2009 году нямецкі тэлеканал заявіў, што разьмяшчае неабвержнымі дадзенымі аб тым, што «Доктар Сьмерць» памёр у Эгіпце ад рака прамой кішкі ў 1992 годзе. Гайм прыняў іслам і зьмяніў імя на Тарык Фарыд Хусэйн. На гэтае імя знойдзеныя дакумэнты і выпісана сьведчаньне аб сьмерці.[2]

Хоць прадстаўнікі Цэнтру Сымона Візэнталя лічаць гэтыя доказы сур’ёзнымі, яны зважаюць на тое, што труп Гайма дагэтуль ім не прадстаўлены, аналіз ДНК не праведзены.

Крыніцы[рэдагаваць | рэдагаваць крыніцу]