Аркадзь Дзенісевіч
| Аркадзь Дзенісевіч | |
| Асабістыя зьвесткі | |
|---|---|
| Нарадзіўся | 1940 Вашчынічы |
| Літаратурная дзейнасьць | |
| Род дзейнасьці | мастак, мастацтвазнаўца, пэдагог, паэт |
| Мова | расейская |
Аркадзь Мікалаевіч Дзенісевіч (нар.1940, в. Вашчынічы, цяпер у Пружанскім раёне Берасьцейскай вобласьці) — беларускі мастак, мастацтвазнаўца, пэдагог, паэт.
Жыцьцяпіс
[рэдагаваць | рэдагаваць крыніцу]У 50-гадовым узросьце паступіў на факультэт мастацтвазнаўства[1], атрымаў вышэйшую адукацыю[2].
Выкладаў гісторыю сусьветнай культуры ў Берасьцейскім дзяржаўным унівэрсытэце імя Пушкіна. З 1991 — пэдагог Берасьцейскай дзіцячай мастацкай школы.
Жыве ў Берасьці.
Творчасьць
[рэдагаваць | рэдагаваць крыніцу]Пісаць вершы пачаў яшчэ ў школе. Выдаў зборнік «Скарбніца жыцця».
У 1959 намаляваў першую карціну «Паляваньне на львоў» (копія твору невядомага мастака). Першыя аўтарскія працы зьявіліся ў сярэдзіне 1960-х[3]. У творчасьці пераважае тэма старажытнае архітэктуры: храмы, замкі, архітэктурныя відарысы. Радзіме прысьвечаныя творы «Пружанская вясна», «Ясельда», «Палескі край»[1]. Адбыліся чатыры пэрсанальныя выставы.
Займаўся аздабленьнем інтэр’ераў будынку Берасьцейскага аблвыканкаму, абласное бібліятэкі, Янаўскай дзіцячай бібліятэкі, школьнага музэю ў вёсцы Махро Янаўскага раёну, Драгічынскага ваенна-гістарычнага музэю імя Ўдавікова, музэю «Безьдзескі фартушок»[3].
Дасьледуе творчасьць Напалеона Орды і Язэпа Крашэўскага. Выдаў кнігу «Тэндэнцыі класіцызму і рамантызму ў творах Напалеона Орды», манаграфію «Ю. І. Крашэўскі. Этнаграфія. Графіка. Жывапіс»[3][4].
Бібліяграфія
[рэдагаваць | рэдагаваць крыніцу]- Тенденции классицизма и романтизма в архитектурном пейзаже Наполеона Орды / А.Н. Денисевич. — Брест: 2008. — 114 с. — ISBN 978-985-6814-66-5
- Денисевич, А.Н. Ю.И. Крашевский. Этнография. Графика. Живопись / А.Н. Денисевич, А.А. Денисевич. — Брест: ОАО «Брестская типография», 2012. — 180 с.
Крыніцы
[рэдагаваць | рэдагаваць крыніцу]- ^ а б Ніна Шабуня. (27 сакавіка 2013) Сустрэча на радзіме. Раённыя будні. Праверана 13 траўня 2014 г.
- ^ Мастацтвазнаўца. Мастак. Паэт. Пружанская цэнтральная раённая бібліятэка імя Міколы Засіма (12 красавіка 2013). Праверана 13 траўня 2014 г.
- ^ а б в Зялевіч 2010.
- ^ Яўген Бяласін. (1 траўня 2013) І мастак, і пісьменнік. Брестский курьер. Праверана 13 траўня 2014 г.
Літаратура
[рэдагаваць | рэдагаваць крыніцу]- Алена Зялевіч. Дызайнер «…Фартушка» і… // Культура. — 2010. — № 37. — С. 12.