Аповесьць пра Падольле
| Аповесьць пра Падольле | |
| Жанр: | публіцыстыка |
|---|---|
| Мова арыгіналу: | Старабеларуская мова |
| Год напісаньня: | 1432—1435 гады |
Аповесьць пра Падольле — помнік беларуска-літоўскага летапісаньня 1-й паловы XV ст. Узьнікла каля 1432—1435 найверагодней у Вільні ў асяродзьдзі паноўных колаў Вялікага Княства Літоўскага. Зьмешчаная ў Беларуска-літоўскім летапісе 1446 году ў канцы «Летапісца вялікіх князёў літоўскіх». У XVI ст. была ўключаная ў склад «Хронікі Вялікага княства Літоўскага і Жамойцкага» й Хронікі Быхаўца.
Апісаньне
[рэдагаваць | рэдагаваць крыніцу]Аповесьць зьмяшчае гісторыю Падольскай зямлі другой паловы XIV — першай трэці XV стагодзьдзяў, гісторыю ўключэньня рэгіёну ў склад Вялікага Княства Літоўскага. Створаная з мэтай абгрунтаваньня правоў Вялікага Княства Літоўскага на Падольле і барацьбы з польскай шляхтай, якая імкнулася ўключыць гэты рэгіён у склад Каралеўства Польскага і пасьля сьмерці вялікага князя Вітаўта, калі захапіла заходнюю частку Падольля.
Твор напісаны ў старабеларускай мове справавым стылем, яе зьвесткі ў асноўным адпавядаюць гістарычным фактам. Аповесьць пра Падольле ня ўтрымлівае датаў, носіць сьвецкі публіцыстычны характар.
Літаратура
[рэдагаваць | рэдагаваць крыніцу]- Чамярыцкі, В. А. «Аповесць пра Падолле» / В. А. Чамярыцкі // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0 — С. 139.
- Полехов С. В. Летописная «Повесть о Подолье». [Ч. 1] // Древняя Русь. Вопросы медиевистики. — 2014. — № 1 (55). — С. 33—42.
- Полехов С. В. Летописная "Повесть о Подолье". [Ч. 2] // Древняя Русь. Вопросы медиевистики. — 2014. — № 2 (56). — С. 49—62.