Антон Гансэн Тамсаарэ

Антон Гансэн Тамсаарэ
Anton Hansen Tammsaare
Асабістыя зьвесткі
Імя пры нараджэньні	Антон Гансэн
Псэўданімы	А. Г. Тамсаарэ
Нарадзіўся	30 студзеня 1878 Албу[d], Ярвамаа, Эстонія
Памёр	1 сакавіка 1940 (62 гады) Талін, Эстонія
Пахаваны	Лясныя могілкі
Літаратурная дзейнасьць
Род дзейнасьці	пісьменьнік
Мова	эстонская
Значныя творы	«Праўда і справядлівасьць»
Узнагароды	Ордэн Эстонскага Чырвонага Крыжа
Антон Гансэн Тамсаарэ ў Вікісховішчы

Вікіпэдыя мае артыкулы пра іншых асобаў з прозьвішчам Гансэн.

Антон Гансэн Тамсаарэ (па-эстонску: A. H. Tammsaare, Anton Hansen Tammsaare, A. H. Hansen-Tammsaare, Anton H. Tammsaare, Anton Tammsaare, U. H. Tammsaare, пры нараджэньні Антон Гансэн па-эстонску: Anton Hansen; 30 студзеня 1878, хутар Тамсаарэ-Пых’я, Эстляндзкая губэрня, Расейская імпэрыя — 1 сакавіка 1940, Талін, Эстонія) — эстонскі празаік, перакладнік, прадстаўнік крытычнага рэалізму.

Жыцьцяпіс

Антон Гансэн нарадзіўся на хутары Тамсаарэ-Пых’я (цяпер воласьць Албу Ярваскага павету Эстоніі) ў сялянскай сям’і. Назва роднага хутара пазьней стала літаратурным псэўданімам пісьменьніка.

Магіла Тамсаарэ на Лясных могілках

Закончыў прыходскую школу, вучыўся ў прыватнай гімназіі ў Тарту. Ў 1907–1911 роках вучыўся на юрыдычным факультэце Тартускага ўнівэрсытэта.

Творчасьць

Літаратурную дзейнасьць пачаў у 1900 року.

• «Маладыя душы» (1909)
• «Старыя і маладыя» (1913)
• «Хлопчык і матылёк» (1915)
• «Юдзіт» (1921)
• «Гаспадар з Кырбоя» (1922)
• «Праўда і справядлівасьць» (1926—1933)
• «Жыцьцё і каханьне» (1934)
• «Я любіў немцаў» (1935)
• «Каралю холадна» (1936)
• «Новы Нячысты зь Пекла» (1937)

Беларускія пераклады

У 1980 року Анатоль Кудравец пераклаў на беларускую мову «Аповесьці» Антона Гансэна.

Ушанаваньне памяці

У Эстоніі ёсьць два музэі, прысьвечаных жыцьцю і творчасьці Тамсаарэ. У гонар Тамсаарэ пабудаваны тры помнікі.

Вонкавыя спасылкі

Антон Гансэн Тамсаарэ — сховішча мультымэдыйных матэрыялаў