Антон Лукашын
| Антон Лукашын | ||
| Пэрсанальная інфармацыя | ||
|---|---|---|
| Нарадзіўся | 21 лютага 1995[1] (29 гадоў) | |
| Рост | 181 см | |
| Вага | 73 кг[2] | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2014—2020 | Нёман Горадня | 3 (0) |
| 2016—2017 | → Ліда | 56 (5) |
| 2018 | → Мікашэвічы | 28 (8) |
| 2019 | → Ліда | 9 (0) |
| 2020 | → Спадарожнік | 20 (2) |
Антон Лукашын (нарадзіўся 21 лютага 1995 году) — колішні беларускі футбаліст, нападнік.
Кар’ера
[рэдагаваць | рэдагаваць крыніцу]Выхаванец гарадзенскай ДЮСШ «Белкард». З 2012 году пачаў выступаць за дубль «Нёмана». У другой палове 2014 году пачаў прыцягваца да асноўнай каманды гарадзенцаў, дэбютаваўшы ў Найвышэйшай лізе 2 лістапада 2014 году ў матчы супраць «Менску» (1:2). У сустрэчы зьявіўся на замену ў другім тайме.
У 2015 годзе выступаў за дубль «Нёмана», дзе забіў за сэзон 11 галоў. У красавіку 2016 году быў аддадзены ў арэнду «Лідзе» да канца сэзону[3]. У красавіку 2017 году арэнда была падоўжаная яшчэ на адзін сэзон[4]. У лютым 2018 году далучыўся да мікашэвіцкага «Граніту»[5]. З 8 галамі быў найлепшым бамбардзірам каманды ў сэзоне 2018 году. У студзені 2019 году, вярнуўшыся з арэнды ў Горадню, пачаў падрыхтоўку да новага сэзону зь «Нёманам»[6]. У пачатковую заяўку каманды на сэзон ня трапіў, аднак 1 чэрвеня 2019 году згуляў за дубль «Нёмана» ў матчы супраць мазырскай «Славіі», пазьней трывала прыцягваўся да гульняў дубля.
У ліпені 2019 году на правах арэнды перайшоў у «Ліду»[7], дзе часьцей выходзіў на замену. У пачатку 2020 году трэнаваўся з дублем «Нёмана», а ў лютым далучыўся да мікашэвіцкага «Граніту»[8]. Аднак, у красавіку празь фінансавыя пытаньні пакінуў каманду і стаў гульцом рэчыцкага «Спадарожніка», якому дапамог перамагчы ў Першай лізе. У сьнежні 2020 году пакінуў рэчыцкі клюб[9].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Ліда | 2016 | Першая ліга | 26 | 4 |
| 2017 | Першая ліга | 30 | 1 | |
| Граніт | 2018 | Першая ліга | 28 | 8 |
Крыніцы
[рэдагаваць | рэдагаваць крыніцу]- ^ а б в Anton Lukashin // Transfermarkt (мн.) — 2000.
- ^ а б https://www.fcneman.by/by/klub/zhelto-zelenye-lyudi/12.html
- ^ «Лида» арендовала у «Немана» Лукашина и продлила контракт с Дубаем (рас.)
- ^ Левицкий, Огурцов и Лукашин перешли в «Лиду», 11 футболистов завершили просмотр (рас.)
- ^ 1-я лига. Анонс сезона. «Локо» в Хойниках. Новополоцк и Мозырь: надолго? Архівавана 6 траўня 2019. (рас.)
- ^ "Неман" начал подготовку к сезону-2019 (рас.)
- ^ Лукашин и Макаров перешли в "Лиду". В клубе ждут пополнение из России (рас.)
- ^ Восемь игроков подписали контракт с "Гранитом" (рас.)
- ^ Возвращение Янсане: Беларусь или Казахстан? Архівавана 6 траўня 2021.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)