Амбасада Беларусі ў Аўстрыі
| Амбасада Рэспублікі Беларусь у Рэспубліцы Аўстрыя | |
| Дата ўтварэньня | 1993 г. |
|---|---|
| Каардынаты |
Hüttelbergstrasse 6, 1140 Вена,  Аўстрыя |
| Амбасадар | Андрэй Дапкюнас |
| Сайт | austria.mfa.gov.by |
Амбасада Беларусі ў Аўстрыі (па-нямецку: Botschaft der Republik Belarus in der Republik Österreich, беларускі афіцыйны правапіс: Пасольства Рэспублікі Беларусь у Аўстрыйскай Рэспубліцы) зьяўляецца дыпляматычнай місіяй Рэспублікі Беларусь у Рэспубліцы Аўстрыя і знаходзіцца ў Вене. Беларускім амбасадарам у Аўстрыі цяпер зьяўляецца Андрэй Дапкюнас.
Гісторыя[рэдагаваць | рэдагаваць крыніцу]
Цяперашні будынак амбасады, вядомы як Віля Бістэгі (Villa Bisteghi), пабудаваны ў 1909 годзе ў нэабарокавым стылі архітэктарам Пэтэрам Брыцы па замове банкіра Рудольфа Бістэгі. Раней гэтым месцы стаяў іншы, меншы, будынак, які належаў сям’і Бістэгі.
Будынак быў захоплены савецкімі войскамі падчас акупацыі Вены ў 1945 годзе і пазьней перададзены францускай акупацыйнай адміністрацыі.[1]
У 1996 годзе будынак быў набыты ўрадам Беларусі і ў яго пераехала амбасада, заснаваная ў 1993 годзе[2][1].
Міжнародныя арганізацыі[рэдагаваць | рэдагаваць крыніцу]
Беларуская амбасада ў Вене адначасова зьяўляецца пастаянным прадстаўніцтвам Беларусі пры міжнародных арганізацыях, разьмешчаных у Вене:
- Упраўленьне ААН па наркотыках і злачыннасьці
- ЮНІДА (UNIDO)
- МАГАТЭ (IAEA)
- Падрыхтоўчая камісія Дамовы аб усёабдымнай забароне ядзерных выпрабаваньняў
- Навуковы камітэт ААН па дзеяньні атамнай радыяцыі
- Арганізацыя па бясьпецы і супрацы ў Эўропе і яе структуры
Амбасадары[рэдагаваць | рэдагаваць крыніцу]
- Валянцін Фісенка (1994—2000)
- Віктар Гайсёнак (2000—2005)
- Аляксандар Сычоў (2005—2011)
- Валеры Варанецкі (2011—2016)
- Алена Купчына (2016—2020)
- Андрэй Дапкюнас (з 2020 г.)
Крыніцы[рэдагаваць | рэдагаваць крыніцу]
- ^ а б Пра будынак пасольства Афіцыйны сайт амбасады
- ^ Беларусь — Аўстрыя — Афіцыйны сайт амбасады