Алеся Фурс

Алеся Фурс
Дата нараджэньня	11 студзеня 1925(1925-01-11)
Месца нараджэньня	Азярава[d], Браслаўскі павет, Віленскае ваяводзтва, Польская Рэспубліка
Дата сьмерці	жнівень 2017 (92 гады)
Месца сьмерці	Паставы, Віцебская вобласьць, Беларусь
Месца вучобы	Пастаўская пэдагагічная вучэльня[d] Завочны народны ўніверсітэт мастацтваў[d] (1965)
Сябра ў	Зьвяз беларускіх патрыётаў і Саюз беларускай моладзі
Бацька	Лявон Умпіровіч[d]

Вікіпэдыя мае артыкулы пра іншых асобаў з прозьвішчам Фурс.

Алеся Фурс (Умпіровіч) (11 студзеня 1925 году ў вёсцы Азярава Відзаўскага раёну (цяпер Браслаўскі раён) — 19 жніўня 2017 году, Паставы) — сяброўка Глыбоцкай групы моладзевай падпольнай арганізацыі Саюз беларускіх Патрыётаў (СБП). Вязень савецкіх канцэнтрацыйных лягераў з 1947 па 1956 год.

У 1943 годзе, падчас вучобы ў Пастаўскай настаўніцкай сэмінарыі, уступіла ў Саюз беларускіх патрыётаў (СБП) — падпольную патрыятычную моладзевую арганізацыю.

25 сакавіка 1946 году для цырымоніі прыняцьця прысягі сяброў СБП на вернасьць Беларусі Алеся намалявала «Пагоню». У 1948 годзе дзяўчыну арыштавалі, судзілі, і яна атрымала 25 гадоў зьняволеньня ў Мардовіі. Бацьку Алесі савецкія ўлады прысудзілі 10 гадоў зьняволеньня за тое, што не выдаў сваю родную дачку, але пасьля зьдзекаў савецкіх карнікаў ён здолеў пражыць у няволі толькі некалькі гадоў.

У лягеры сябравала зь вядомай беларускай паэткай Ларысай Геніюш.

Пасьля сьмерці Сталіна тэрмін зьняволеньня быў скарочаны да 10 гадоў.

Пасьля вызваленьня ў 1956 годзе выйшла замуж за сябра Глыбоцкай філіі СБП Антона Фурса. Сям’я жыла ў Казахстане, дзе нарадзіліся сын і дачка. У вольны час Алеся Фурс займалася маляваньнем, завочна скончыла Маскоўскі народны ўнівэрсытэт мастацтваў.

У 1982 годзе сям’я Фурсаў вярнулася на радзіму, пасялілася ў Паставах. Алесю Фурс рэабілітавалі 23 лістапада 1992 году.

Глядзіце таксама

• Саюз беларускіх патрыётаў
• Васіль Супрун
• Леў Бялевіч