На «Эўрабачаньні-2008» Азэрбайджан прадстаўлялі два маладыя выканаўцы — Эльнур Гусейнаў і Самір Джавадзадэ. Кандыдатура апошняга была прадстаўленая ў самім канцы. Гэтыя два выканаўца дэбютавалі ў дуэце зь песьняй кампазытара Гоўхара Гасанзадэ «Day After Day» на словы Захры Бадалбэйлі. Менавіта з гэтай песьняй яны выйгралі нацыянальны адбор, які праходзіў 2 лютага2008 году ў Баку, пакінуўшы ззаду іншых кандыдатаў — Айнур Іскандэрлі і рок-гурт «Unformal». У кампазыцыі Гусейнава і Джавадзадэ задзейнічаны опэрны жанр, а таксама нацыянальныя матывы Азэрбайджану, у прыватнасьці азэрбайджанскі народны музычны стыль мугам (выкананы Самірам).
Яны выступілі ў Тбілісі, Кіеве, Рызе і Атэнах. У рамках прома-тура Эльнур і Самір наведалі фіналы нацыянальных адбораў Украіны (23 лютага), Грэцыі (27 лютага) і Латвіі (1 траўня)[1]. У песьні абгульваецца тэма дужаньня дабра і зла. Эльнур увасабляе дабро (анёл), а Самір — зло (д’ябал). Ідэя «супрацьстаяньні» выкарыстаная і ў прэвію-кліпе.
