Лака (Эльвір «Лака» Лакавіч) нарадзіўся ў Горазьдзе, але цяпер жыве ў Сараева. Сваю першую песьню «Razocaro» Лака запісаў у 1998 годзе, зь ёй ён заняў першае месца на мясцовым фэсце і атрымаў права на студыйны запіс песьні. З гэтай песьні пачалася яго кар’ера. Ён выпускаў па песьні ў год. У 2003 годзе за кампазыцыю «Ja Sam Moro» ён атрымлівае прыз «Лепшая рок-песьня году». У 2004 едзе ў ЗША, спрабуе стварыць гурт. Зь няўдачай ён вяртаецца ў Босьнію і ў 2007 запісвае свой першы альбом Zec («Заяц»). Аўтар словаў і музыкі да конкурснай песьні — ён сам.
Мірэла — сястра Лакі. Разам зь ім выступіла на конкурсе песьні «Эўрабачаньне».
