Адольф Варановіч

	Адольф Варановіч
Асабістыя зьвесткі
Нарадзіўся	15 чэрвеня 1940; Мікольцы, Мядзельскі сельсавет, Мядзельскі раён, Вялейская вобласьць, БССР, СССР;
Памёр	2001; Мікольцы, Мядзельскі сельсавет, Мядзельскі раён, Менская вобласьць, Беларусь;
Пахаваны	Мікольцы;
Літаратурная дзейнасьць
Род дзейнасьці	пісьменьнік

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Варановіч.

Адольф Усьцінавіч Варановіч (15 чэрвеня 1940, Мікольцы, Мядзельскі раён - 2001) — беларускі пісьменьнік. Сябра СП СССР з 1979 году.

Жыцьцяпіс

Нарадзіўся ў сялянскай сям'і. Пасьля заканчэньня Мядзельскай сярэдняй школы ў 1957 годзе паступіў у Менскую мастацкую вучэльню, якую скончыў у 1960 годзе. Працаваў у мастацкай майстэрні Аршанскага льнокамбінату мастаком па тканінах, а таксама ў дзіцячай мастацкай школе выкладчыкам. З 1989 году - чалец сцэнарна-рэдакцыйнай калегіі Дзяржаўнага камітэту БССР па тэлебачаньні і радыёвяшчаньні.

Творчасьць

Першыя апавяданьні апублікаваў у 1970 годзе ў штотыднёвіку «Літаратура і мастацтва»). Выдаў кнігі аповесьцей і апавяданьняў «Высокі падмурак» (1978), «Агні хат» (1986).

Літаратура

Беларуская энцыкляпэдыя: У 18 т. Т.4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 ас. — ISBN 985-11-0090-0
Казімер Камейша «Душа прасілася ў Мікольцы» // Полымя.--2010.-No 6.--С. 162-168. 82