Авэйру
| Авэйру | |||||
| парт. Aveiro | |||||
| |||||
| |||||
| Першыя згадкі: | 959 | ||||
| Горад і муніцыпалітэт з: | 1515 | ||||
| Былыя назвы: | Aviarium, Alavarium et Salinas | ||||
| Краіна: | Партугалія | ||||
| Рэгіён: | Цэнтральны | ||||
| Субрэгіён: | Бэйшу Воўгу | ||||
| Плошча: | 197,58 км² | ||||
| Вышыня: | 25 м н. у. м. | ||||
| Унутраны падзел: | 14 раёнаў | ||||
| Насельніцтва (2011) | |||||
| колькасьць: | 78 450 чал. | ||||
| шчыльнасьць: | 397,05 чал./км² | ||||
| Часавы пас: | UTC+0 | ||||
| летні час: | UTC+1 | ||||
| Тэлефонны код: | +351 234 | ||||
| Паштовы індэкс: | 3800 Aveiro | ||||
| Геаграфічныя каардынаты: | 40°38′20″ пн. ш. 8°39′19″ з. д. / 40.63889° пн. ш. 8.65528° з. д.Каардынаты: 40°38′20″ пн. ш. 8°39′19″ з. д. / 40.63889° пн. ш. 8.65528° з. д. | ||||
Авэйру на мапе Партугаліі   Авэйру | |||||
 Галерэя здымкаў у Вікісховішчы
| |||||
| http://www.cm-aveiro.pt/ | |||||
Авэйру (па-партугальску: Aveiro [aˈvɐiɾu]) — аднайменны горад і муніцыпалітэт у Цэнтральным рэгіёне Партугаліі (субрэгіён Бэйшу Воўгу), з агульнай тэрыторыяй у 197,58 км². Насельніцтва муніцыпалітэту складае каля 78 450 чалавек, гораду — 60 000 (2011). Горад месьціцца на ўзьбярэжжы Атлянтычнага акіяну за 50 км на поўнач ад Куімбра, за 70 км на поўдзень ад Порту й за 220 км на поўнач ад Лісабону. Авэйру зьяўляецца другім паводле велічыні горадам пасьля Куімбры ў Цэнтральным рэгіёне, а таксама лічыцца партугальскай Вэнэцыяй. Апроч гэтага, Авэйру зьяўляецца важным урбаністычным, партовым, транспартным, адукацыйным і турыстычным цэнтрам.
Гісторыя
[рэдагаваць | рэдагаваць крыніцу]Упершыню горад узгадваецца ў 959 годзе пад лацінскай назвай Aviarium. Авэйру атрымаў статус гораду ў 1515 годзе.
Дэмаграфія
[рэдагаваць | рэдагаваць крыніцу]| Насельніцтва муніцыпалітэту Авэйру (1801—2011) | ||||||||
|---|---|---|---|---|---|---|---|---|
| 1801 | 1849 | 1900 | 1930 | 1960 | 1981 | 1991 | 2001 | 2011 |
| 14 144 | 10 780 | 24 919 | 31 644 | 46 055 | 60 284 | 66 444 | 73 335 | 78 450 |
Гастранамія
[рэдагаваць | рэдагаваць крыніцу]Горад вядомы своеасаблівым дэсэртам овуш молеш (па-партугальску: Ovos moles), які робіцца зь яек і ўпершыню ўзгадваецца ў XIX ст.
Транспарт
[рэдагаваць | рэдагаваць крыніцу]Асноўныя віды транспарту гораду — чыгунка й аўтобусы. Чыгуначны вакзал Авэйру адносіцца да паўночнай лініі партугальскай чыгункі, у гадзіне язды ад Порту й дзьвюх гадзінах ад Лісабону. Таксама зьяўляецца важным транспартным вузлом для міжрэгіянальных, рэгіянальных і прыгарадных цягнікоў. У горадзе арганізаваная сыстэма бясплатных ровараў BUGA (па-партугальску: Bicicleta de Utilização Gratuita de Aveiro). Асноўныя аўтамагістралі, якія праходзяць праз горад, — А25 і А17. Немалаважнае значэньне мае марскі порт Авэйру (па-партугальску: Porto de Aveiro).
Турызм
[рэдагаваць | рэдагаваць крыніцу]Горад прыцягвае турыстаў сваімі каналамі й тыповымі лодкамі падобнымі да вэнэцыянскіх гандолаў, якія называюцца Малісэйру (па-партугальску: Moliceiro). Адна з найбольш значных славутасьцяў Авэйру — езуіцкі манастыр XV ст., у якім была пахаваная дачка караля Афонсу V Жуанна, які памярла ў 1490 годзе й была прылічаная да ліку сьвятых у 1673 годзе.
Побач з гарадзкой катэдрай месьціцца музэй Авэйру, у якім захоўваюцца й экспануюцца карціны, скульптуры, а таксама прадмэты царкоўнага жыцьця гораду й рэгіёну. Унутры музэю была адноўлена старая царква.
Апроч гэтага, сярод выбітных месцаў Авэйру вылучаюцца:
- Рыбная плошча (па-партугальску: Praça do Peixe)
- Гарадзкі сад (па-партугальску: Jardim Inf. D. Pedro e Coreto)
- Дом Сьв. Зіты (па-партугальску: Casa de Santa Zita)
- Дамы ў стылі Ар нуво
- Старая чыгуначная станцыя (па-партугальску: Estação de comboios)
- Тэатар Авэйру (па-партугальску: Teatro Aveirense)
- Былая керамічная фабрыка (па-партугальску: Antiga Fábrica Jeronymo Pereira Campos)
- Экамузэй вытворчасьці солі (па-партугальску: Ecomuseu da Troncalhada)
