Абрагам Крыніцы

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
אברהם קריניצי
Абрагам Крыніцы
Помнік Абрагаму Крыніцы
Помнік Абрагаму Крыніцы
1-ы мэр Рамат Гану
1926 — 1969
Наступнік: Ісраэль Пэлед
Асабістыя зьвесткі
Нарадзіўся: 26 сьнежня 1886
Сьцяг Расейскай імпэрыі Гародня
Памёр: 13 лістапада 1969 (82 гады)
Сьцяг Ізраілю Рамат Ган
Партыя: Усеагульныя сіяністы

Абрага́м Крыні́цы (па-габрэйску: אברהם קריניצי; 26 сьнежня 1886, Гародня, Расейская імпэрыя – 13 лістапада 1969, Рамат Ган, Ізраіль) — ізраільскі палітык, першы мэр Рамат Гану (1926—1969[1]).

Жыцьцяпіс[рэдагаваць | рэдагаваць крыніцу]

Нарадзіўся ў Гародні (цяпер у Беларусі). У 1905 падчас другой аліі эміграваў у асманскую Палестыну. За арганізацыю страйкі працаўнікоў вінзаводу пазбавіўся працы і вярнуўся ў Горадню, дзе арганізаваў жыдоўскую самаабаронку. Вярнуўшыся ў Палестыну, удзельнічаў у заснаваньні і ахове паселішчаў, стаў адным зь першых сябраў Хаганы. У Першую сусьветную вайну працаваў на асманскай чыгунцы.

У 1926 року ўрад мандатнай Палестыны надаў Рамат Гану статус мясцовае рады, а Крыніцы стаў ейным першым старшынём. Да 1969 року ён 12 разоў пераабіраўся на гэтую пасаду, застаючыся мэрам цягам рэкордных 43 гадоў (24 гады — старшыня рады і 19 гадоў — мэр).

Неўзабаве па выбарах 1969 року, дзе ён быў пераабраны на 12 тэрмін, Абрагам Крыніцы загінуў у аўтааварыі разам зь зяцем і кіроўцам. Усе загінулыя пахаваныя разам у нацыянальным парку Рамат Гану. Сваю хату ў Рамат Гане Абрагам Крыніцы паводле запавету перадаў месту, цяпер тут дзейнічае ягоны дом-музэй[2].

Крыніцы[рэдагаваць | рэдагаваць крыніцу]

  1. ^ Itamar Rabinovich and Jehuda Reinharz (2008) Israel in the Middle East: Documents and Readings on Society, Politics, and Foreign Relations, Pre-1948 to the Present, UPNEm p595
  2. ^ Дом-музей Авраама Криницы: фото, описание(рас.) вотпускру Праверана 27 лютага 2017 г.

Вонкавыя спасылкі[рэдагаваць | рэдагаваць крыніцу]

Commons-logo.svg Абрагам Крыніцысховішча мультымэдыйных матэрыялаў

Папярэднік
Мэр Рамат Гану
1926—1969
Наступнік
Ісраэль Пэлед