Ірына Хадарэнка
| Ірына Хадарэнка | |
 | |
| Асабістыя зьвесткі | |
|---|---|
| Нарадзілася | 19 чэрвеня 1976 (47 гадоў) |
| Літаратурная дзейнасьць | |
| Род дзейнасьці | публіцыстка, паэтка, пісьменьніца |
| Гады творчасьці | 1989 — цяпер |
| Мова | беларуская мова |
Ірына Міха́йлаўна Хадарэ́нка, сапр. Шумская (нар. 19 чэрвеня 1976, Менск) — беларуская паэтка, перакладчык, публіцыст, культуроляг, грамадзкая дзяячка.
Жыцьцяпіс[рэдагаваць | рэдагаваць крыніцу]
Мае музычную адукацыю па клясе фартэпіяна. Скончыла БДЭУ ў 1997 годзе, потым асьпірантуру (2000) і дактарантуру (2014) Беларускага дзяржаўнага ўнівэрсытэту культуры і мастацтваў. З 2000 да 2016 гады працавала выкладчыкам у Беларускім дзяржаўным унівэрсытэце культуры і мастацтваў; мае званьне прафэсара. У 2002 пасьпяхова абараніла кандыдацкую дысэртацыю па спэцыяльнасьці «тэорыя і гісторыя культуры». Стажыравалася ў Варшаўскім і Ягелонскім унівэрсытэтах. Навучалася ў Гарвардзкім унівэрсытэце. У 2016 годзе пераехала ў Нью-Ёрк. Узначальвае Беларускую Асьветніцкую Лігу Амэрыкі.
Сябра Саюза беларускіх пісьменьнікаў з 2000 году, беларускага ПЭН-цэнтру з 2011 году. Стыпэндыятка праграмы «Gaude Polonia» Міністэрства культуры і нацыянальнай спадчыны Польшчы (2010).
Творчасьць[рэдагаваць | рэдагаваць крыніцу]
З 1989 году рэгулярна выступае ў рэспубліканскім друку. Перакладае з польскай і расейскай моваў. Зьяўляецца аўтарам шматлікіх публікацыяў у навуковых і пэрыядычных айчынных выданьнях, таксама друкавалася ў «Беларускім дайджэсце», альманаху "Беларус" (ЗША) і літаратурна-аналітычным часопісе «Сакавік» (Канада)[1].
Яе творы былі перакладзены на расейскую, украінскую, польскую, ангельскую, нямецкую мовы[2][3].
Бібліяграфія[рэдагаваць | рэдагаваць крыніцу]
- «Лябірынты душы» («Першацвет», 1996) — кніга паэзіі;
- «Чорная ружа» («Мастацкая літаратура», 1998) — кніга паэзіі;
- «Танцы на шкле», («Белы вецер», 1999) — кніга паэзіі і прозы;
- «Сьвядомаграфія» («Кнігазбор», 2012) — кніга паэзіі;
- «Музыкальное творчество как социокультурное явление» (БНТУ, 2002) — манаграфія;
- «Музыка ў кантэксьце беларуска-польскага міжкультурнага ўзаемадзеяньня» («Медысонт», 2011) — манаграфія;
- «Мечыслаў Карловіч. Забыты беларускі геній» («Харвест», 2013) — навукова-папулярнае выданьне;
- «Ян Чачот. Руплівы філамат» («Харвест», 2013) — навукова-папулярнае выданьне;
- «Ян Баршчэўскі. Зьбіральнік народных легенд і паданьняў» («Харвест», 2015) — навукова-папулярнае выданьне;
- «Шедевры нашей старины» («Харвест», 2014) — навукова-папулярнае выданьне;
- «Distinctive Belarus. On the Roads of Dukes, Magnates, and Poets» (Belarusian History & Culture Institute, 2015) — навукова-папулярнае выданьне.
Крыніцы[рэдагаваць | рэдагаваць крыніцу]
Літаратура[рэдагаваць | рэдагаваць крыніцу]
- Анталогія маладога верша. — Мн.: Ураджай, 2001. — 351 с.
Вонкавыя спасылкі[рэдагаваць | рэдагаваць крыніцу]
- Творы Ірыны Хадарэнка ў беларускай Інтэрнэт-бібліятэцы «Камунікат»
- Вершы Ірыны Хадарэнка на нацыянальным паэтычным партале
- Інтэрв'ю Ірыны Хадарэнка // Радыё Свабода
- Ірына Хадарэнка: Свабоду немагчыма імітаваць // сайт Саюза беларускіх пісьменьнікаў
- Беларускія пісьменнікі: вяртанне ў казку. Інтэрв'ю з Ірынай Хадарэнка // сайт грамадзка-культурніцкай кампаніі «Будзьма беларусамі!»
- Беларускія пісьменнікі прымерылі на сябе вобразы міфалагічных істот. Аўтарскі праект Ірыны Хадарэнка // Информационный портал TUT.BY
- Літаратура ў тварах // газэта «Звязда»
- Самабытная Беларусь адкрывае свае таямніцы // газэта «Народная воля»
- Жывое беларускае слова ў заакіянскай прасторы. Творчая сустрэча з Ірынай Хадарэнка ў Нью-Йорку(недаступная спасылка) // сайт Згуртаваньня беларусаў сьвету «Бацькаўшчына»
- Верш «Спеў раз'ятранага сэрца» чытаюць Ірына Хадарэнка і Эрыка Шрайнэр // Беларуска-амэрыканскі відэапраект «Галасы свабоды».