Ільля Васілевіч

Ільля Васілевіч
	Ільля Васілевіч
Дата нараджэньня	6 жніўня 1991 (33 гады)
Месца нараджэньня	Баранавічы, Берасьцейская вобласьць, БССР, СССР;

Ільля Васілевіч (нар. 6 жніўня 1991, Баранавічы) — беларускі палітычны актывіст, асуджаны за ўдзел у акцыі пратэста супраць вынікаў прэзыдэнцкіх выбараў навечар 19 сьнежня 2010 г. Самы малады фігурант справы па падзеях Плошчы 2010.

Вучыўся ў баранавіцкай гімназіі. Пасьля дзявятай клясы паступіў у Менскі політэхнічны каледж, быў старастам групы. За ўдзел у акцыі пратэсту 19 сьнежня Ільля адседзеў 10 содняў арышту й быў адпушчаны дадому. Яму паведамілі, што адміністрацыя Менскага політэхнічнага каледжа выключае яго з вучэльні.

5 студзеня юнак быў запрошаны ў адміністрацыю каледжа для падпісаньня адпаведных папераў, але ў вучэльні Ільлю чакалі супрацоўнікі КДБ, якія паведамілі, што ён падазраваны па крымінальнай справе. Васілевіча зьмясьцілі спачатку ў ІЧУ на вул. Акрэсьціна^{[прыбраць шаблён]}, а потым перавялі ў СІЗА на вул. Валадарскага ў Менску.

Праходзіў па справе разам з Андрэм Саньнікавым, Алегам Гнедчыкам, Фёдарам Мірзаянавым і Ўладзімерам Яроменка. 14 траўня 2011 году суд Партызанскага раёну Менску (судзьдзя – Натальля Чацьвертакова) асудзіў яго па арт. 293, ч. 1 і 2 Крымінальнага кодэксу Рэспублікі Беларусь («Масавыя беспарадкі») на тры гады пазбаўленьня волі ў калёніі ўзмоцненага рэжыму^[1]. 23 траўня 2011 году Чацьвертакова была ўнесена ў Чорны сьпіс Эўразьвязу^[2].

15 ліпеня 2011 год патранат над Васілевічам узяў Жан-Франсуа Штаерт, дэпутат Федэральнага Сходу Швайцарыі(be), прадстаўнік Сацыял-дэмакратычнае партыі Швайцарыі(be)^[3].

Памілаваны Лукашэнкам 14 верасьня 2011 году разам з адзінаццацьцю іншымі ўдзельнікамі падзеяў на Плошчы 2010, якія не пісалі прашэньня^[4].

Крыніцы

^ Тыднёвы агляд пасьлявыбарчай сытуацыі ў Беларусі (9-15 траўня) Віцебскі рэгіянальны праваабарончы сайт
^ Поўны спіс 208 беларускіх чыноўнікаў, якім забаронены ўезд у ЕС (бел.). Наша Ніва (2011-10-11). Архіўная копія ад 2017-10-22 г.
^ Арцём Багданаў. (2011-07-15) Палітвязень Ільля Васілевіч займеў апекуна са Швайцарыі (бел.). Польскае радыё. Праверана 2021-09-05 г. Архіўная копія ад 2021-09-05 г.
^ Вінаградаў, Мірзаянаў, Класкоўскі, Лобан, Новік, Малчанаў, Атрошчанкаў, Васілевіч, Буланаў, Федаркевіч, Ліхавід на волі Наша Ніва

Вонкавыя спасылкі

Ільля Васілевіч. Партрэт на фоне кратаў Радыё Свабода, 26.04.2011

[1] Тыднёвы агляд пасьлявыбарчай сытуацыі ў Беларусі (9-15 траўня) Віцебскі рэгіянальны праваабарончы сайт

[2] Поўны спіс 208 беларускіх чыноўнікаў, якім забаронены ўезд у ЕС (бел.). Наша Ніва (2011-10-11). Архіўная копія ад 2017-10-22 г.

[3] Арцём Багданаў. (2011-07-15) Палітвязень Ільля Васілевіч займеў апекуна са Швайцарыі (бел.). Польскае радыё. Праверана 2021-09-05 г. Архіўная копія ад 2021-09-05 г.

[4] Вінаградаў, Мірзаянаў, Класкоўскі, Лобан, Новік, Малчанаў, Атрошчанкаў, Васілевіч, Буланаў, Федаркевіч, Ліхавід на волі Наша Ніва

[1]

[2]

[3]

[4]