Ільля Васілевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Ільля Васілевіч (нар. 6 жніўня 1991, Баранавічы) — беларускі палітычны актывіст, асуджаны за ўдзел у дэманстрацыі пратэста супраць вынікаў прэзыдэнцкіх выбараў навечар 19 сьнежня 2010 г. Самы малады фігурант справы па падзеях на Плошчы.

Вучыўся ў баранавіцкай гімназіі. Пасьля дзявятай клясы паступіў у Менскі політэхнічны каледж, быў старастам групы. За ўдзел у акцыі пратэсту 19 сьнежня Ільля адседзеў 10 сутак арышту і быў адпушчаны дадому. Яму паведамілі, што адміністрацыя Менскага політэхнічнага каледжа выключае яго з вучэльні.

5 студзеня малады чалавек быў запрошаны ў адміністрацыю каледжа для падпісаньня адпаведных папер, але ў вучэльні Ільлю чакалі супрацоўнікі КДБ, якія паведамілі, што ён падазраваны па крымінальнай справе, і зьмясьцілі спачатку ў ІЧУ на вул. Акрэсьціна, а потым перавялі ў СІЗА на вул. Валадарскага.

Праходзіў па справе разам з Андрэм Саньнікавым, Алегам Гнедчыкам, Фёдарам Мірзаянавым і Ўладзімерам Яроменка. 14 траўня ў Партызанскім райсудзе асуджаны па арт. 293, ч. 1 і 2 Крымінальнага кодэксу Рэспублікі Беларусь (“Масавыя беспарадкі”), на тры гады пазбаўленьня волі ў калёніі ўзмоцненага рэжыму. Судзьдзя Натальля Чацьвертакова[1].

Знаходзіцца пад патранатам Жана-Франсуа Стэйе дэпутата швайцарскага парлямэнту, прадстаўнік сацыялістаў[2].

Памілаваны Лукашэнкам 14 верасьня 2011 году разам з "адзінаццацьцю" іншымі ўдзельнікамі падзеяў на Плошчы, якія не пісалі прашэньня[3].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]