Ідылія

Іды́лія (па-грэцку: eidyllion — малюнак, невялікі паэтычны твор) — жанравая разнавіднасьць букалічнай паэзіі; невялікі лірычны твор, у якім падаецца малюнак чароўнай прыроды, што супрацьпастаўляецца цяжкаму чалавечаму жыцьцю, або малюецца шчасьлівае і мірнае жыцьцё простых людзей на лоне прыроды. Узьнікла ідылія, як і пастараль, у антычнай літаратуры, пашырылася ў эўрапейскай літаратуры XVII—XVIII стагодзьдзяў. З разьвіцьцём рэалізму ідылія як жанр зьнікае. Сёньня слова ідылія часам ужываецца ў пераносным сэнсе. Ім называюць любы твор, у якім ідэалізавана, г. зн. прыхарошана, паказана жыцьцё чалавека, заўважаецца адыход пісьменьніка ад надзённых турботаў часу.

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4