Ігар Рачкоўскі

	Ігар Рачкоўскі
старшыня Дзяржаўнага памежнага камітэту Рэспублікі Беларусь
	10 красавіка 2007 — цяперашні час
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Аляксандар Паўлоўскі
Асабістыя зьвесткі
Нарадзіўся:	1968; Смаргонь, БССР
Адукацыя:	БДЭУ;

Ігар Анатольевіч Рачкоўскі (нар. 1968, Смаргонь) - беларускі вайсковы і дзяржаўны дзяяч, старшыня Дзяржаўнага памежнага камітэту Рэспублікі Беларусь (2007).

Жыцьцяпіс

У 1990 скончыў камандна-інжынэрны факультэт Рыскую вышэйшую ваенна-палітычнай вучэльню, у 1996 годзе — курсы Інстытуту нацыянальнай бясьпекі Рэспублікі Беларусь, у 2001 годзе — Беларускі дзяржаўны эканамічны ўнівэрсытэт па спэцыяльнасьці «Правазнаўства».

Праходзіў службу ў розных частках на розных пасадах ва ўзброеных сілах і ворганах дзяржбясьпекі. У памежным войску з 1998 году. Служыў начальнікам аддзелу вайсковай часткі 1250, намесьнікам АСАМ (Асобнай службы актыўных мерапрыемстваў памежных войскаў). З 2004 году узначальваў АСАМ.

10 красавіка 2007 указам Лукашэнкі № 175 прызначаны старшынём Дзяржаўнага камітэту памежных войскаў Беларусі наўзамен А.Паўлоўскага. З верасьня 2007 — згодна з указам аб пераназваньні — старшыня Дзяржаўнага памежнага камітэту Рэспублікі Беларусь.

11 верасьня 2007 атрымаў новае званьне генэрал-маёра.

У красавіку 2010 вызначыўся тым, што ўпершыню за шмат год зрабіў выступ у парлямэнце Беларусі на беларускай мове^[1]. Пазьней ён патлумачыў: Мая пазіцыя ясная. Калі вы заўважылі, пры ўезьдзе ў Рэспубліку Беларусь першы запіс пра назву краіны ідзе на беларускай мове. Бо гэта наша ідэнтыфікацыя. Калі мы хочам, каб нас паважалі, павінны паважаць самі сябе^[2].

Узнагароды

ордэн «За службу Радзіме» III ступені
медаль «За бездакорную службу» II ступені
медаль «За бездакорную службу» IIІ ступені

Крыніцы

Вонкавыя спасылкі

Хто ёсьць хто на Беларусі

[1] Рачкоўскі прэзентаваў у палаце даклад пра мяжу на беларускай мове Наша Ніва

[2] Ігар Рачкоўскі Весткі.інфо

[1]

[2]