Януар Сухадольскі

Вікіпэдыя мае артыкулы пра іншых асобаў з прозьвішчам Сухадольскі.

Януар Сухадольскі
Дата нараджэньня	19 верасьня 1797(1797-09-19)[…]
Месца нараджэньня	Горадня, Расейская імпэрыя
Дата сьмерці	20 сакавіка 1875(1875-03-20)[…] (77 гадоў)
Месца сьмерці	Седльцы, Варшаўскае генэрал-губэрнатарства[d], Расейская імпэрыя
Месца вучобы	Сьвіслацкая гімназія Француская акадэмія ў Рыме[d]
Занятак	маляр
Навуковая сфэра	малярства
Жанры	батальны жанр[d]
Януар Сухадольскі ў Вікісховішчы

Януар (Ян) Іванавіч Сухадольскі (па-польску: January Suchodolski; 19 верасьня 1797, Горадня — 20 сакавіка 1875) — беларускі жывапісец-баталіст.

Жыцьцяпіс

Паходзіў са шляхецкага роду Сухадольскіх герба «Слепаўрон». Сын Яна Сухадольскага і Тэклі з Даўнаровічаў. Брат паэта Райнольда Сухадольскага.

Першыя ўрокі жывапісу браў у польскага мастака Антона Брадоўскага. Скончыў Сьвіслацкую гімназію, Школу вайсковых інжынэраў у Варшаве, служыў у войску Царства Польскага. Удзельнічаў у расейска-іранскай вайне (1826—1828), знаходзіўся пры штабе фэльдмаршала Івана Паскевіча, на заказ якога стварыў цыкль карцін, прысьвечаны кампаніі. Удзельнічаў у паўстаньні 1830—1831 гадоў, эміграваў, жыў у Рыме. Пасьля амністыі вярнуўся на радзіму, дзе жыла сям’я. Па запрашэньні імпэратара Мікалая I паехаў у Пецярбург, дзе атрымаў заказ на цыкль карцін пра батальныя сцэны расейска-французскай вайны 1812 года.

Творы

Цяпер частка карцін захоўваецца ў карпаратыўнай калекцыі Белгазпрамбанка ў Менску, ў Гомельскім краязнаўчым музэі (творы, зробленыя на заказ фэльдмаршала Паскевіча).

«Бітва пад Самасьерай», 1860

• Узяцьце расейцамі крэпасьці Карс
• Перамога пад Елдавай
• Здача крэпасьці Абасабад
• Бітва пад Рашынам (1832)
• Бітва пад Самасьерай (1860)
• Пераход арміі Напалеона празь Бярэзіну (1866)

Літаратура

• Карлюкевіч А. Знічкі Айчыны // «Голас Радзімы», № 7(3079), чацв., 21 лют. 2008.