Юлія Балыкіна

	Юлія Балыкіна
Пэрсанальная інфармацыя
Нарадзілася	12 красавіка 1984; Булган, Манголія
Памерла	28 кастрычніка 2015 (31 год); Менск, Беларусь
Грамадзянства	Беларусь
Рост	165 см
Вага	60 кг
Прафэсійная інфармацыя
Спэцыялізацыя	лёгкая атлетыка (100 м, 200 м, эстафэта 4×100 м)
Прафэсійная кар’ера	2002—2013
Цяперашнія трэнэры	Васіль Боднар; Віктар Мясьнікоў

Ю́лія Балы́кіна (12 красавіка 1984, Булган, Манголія — 28 кастрычніка 2015^[1], Беларусь) — беларуская лёгкаатлетка (бег), шматразовая чэмпіёнка Беларусі. Майстар спорту міжнароднае клясы^[2].

Жыцьцяпіс

Юлія Балыкіна нарадзілася 12 красавіка 1984 року ў Булгане (Манголія). Пачала займацца спортам у 18-гадовым узросьце ў Запарожжы (Украіна), у 2008 пераехала ў Беларусь.

Пасьля дыскваліфікацыі працавала трэнэркай адной зь дзіцячых спартовых школаў БФСТ «Дынама».

28 кастрычніка 2015 року Юлія Балыкіна зьнікла, 16 лістапада ейнае цела было знойдзенае ў Смалявіцкім раёне Менскай вобласьці^[3].

Кар’ера

Шматразовая чэмпіёнка Беларусі ў бегу на 100 і 200 мэтраў. Эстафэта 4×100 м: чэмпіянат сьвету 2011 — 15-я, чэмпіянат Эўропы 2010 — 5-я, чэмпіянат Эўропы 2012 — 7-я.

Удзельніца Алімпійскіх гульняў 2012 году ў бегу на 100 м (у кваліфікацыі заняла 47-е месца і ў паўфінал не патрапіла) і эстафэце 4×100 м^[4].

11 чэрвеня 2013 году Балыкіна была дыскваліфікаваная на 2 гады за ўжываньне забароненых прэпаратаў, пасьля чаго прыняла рашэньне скончыць спартовую кар’еру. Тэрмін дыскваліфікацыі скончыўся 24 ліпеня 2015 году^[5].

Крыніцы

^ В Мингорсуд поступили материалы уголовного дела об убийстве легкоатлетки Юлии Балыкиной (рас.)
^ Балыкина Юлия Владимировна (рас.) Военный информационный портал Министерства Обороны Республики Беларусь. Міністэрства абароны Рэспублікі Беларусь. Праверана 17 лістапада 2015 г.
^ Цела шматразовай чэмпіёнкі Беларусі Юліі Балыкінай знайшлі ў Смалявіцкім раёне // Радыё «Свабода», 16 лістапада 2015 г. Праверана 17 лістапада 2015 г.
^ Беларускія алімпійцы ў Лёндане Прессбол
^ Чэмпіёнка Беларусі Балыкіна папалася на допінгу

Вонкавыя спасылкі

Юлія Балыкіна — сховішча мультымэдыйных матэрыялаў

Профіль (анг.) на World Athletics
Профіль (анг.) на бачыне Sports-reference

[1] В Мингорсуд поступили материалы уголовного дела об убийстве легкоатлетки Юлии Балыкиной (рас.)

[2] Балыкина Юлия Владимировна (рас.) Военный информационный портал Министерства Обороны Республики Беларусь. Міністэрства абароны Рэспублікі Беларусь. Праверана 17 лістапада 2015 г.

[3] Цела шматразовай чэмпіёнкі Беларусі Юліі Балыкінай знайшлі ў Смалявіцкім раёне // Радыё «Свабода», 16 лістапада 2015 г. Праверана 17 лістапада 2015 г.

[4] Беларускія алімпійцы ў Лёндане Прессбол

[5] Чэмпіёнка Беларусі Балыкіна папалася на допінгу

[1]

[2]

[3]

[4]

[5]