Эўрапейская грашовая адзінка
| Эўрапейская грашовая адзінка | |
| анг. European Currency Unit | |
 | |
| Краіна | Эўрапейская эканамічная супольнасьць |
|---|---|
| Код ISO-4217 | XEU |
| Скарачэньне | ЭГА |
| Сымбаль | ₠ |
| Увядзеньне ва ўжытак | 13 красавіка 1979 (45 гадоў таму) |
| Вывядзеньне з ужытку | 31 сьнежня 1998 (25 гадоў таму) |
| Папярэдняя валюта | эўрапейская разьліковая адзінка |
| Замененая валютай | эўра |
| Абменны курс: () | кошык 12 валютаў (пасьля 1989 г.) |
Эўрапейская грашовая адзінка (анг. ECU — трансьліт. ЭКЮ) — складаная разьліковая грашовая адзінка краінаў-удзельніц Эўрапейскай супольнасьці, уведзеная ў дзеяньне 13 сакавіка 1979 року. 1 студзеня 1999 року на зьмену ЭКЮ прыйшла грашовая адзінка Эўразьвязу — эўра.
Мінуўшчына
[рэдагаваць | рэдагаваць крыніцу]Да ўвядзеньня ЭКЮ ў разьліках выкарыстоўвалася Эўрапейская адзінка разьліку(en), абменны курс якой таксама быў роўны аднаму ЭКЮ. Мінімізацыя ваганьняў курсаў нацыянальных валютаў і ЭКЮ забясьпечвалася мэханізмам валютных курсаў ERM(en). ЭКЮ таксама выкарыстоўваўся ў некаторых міжнародных фінансавых транзакцыях.
Абарачэньне
[рэдагаваць | рэдагаваць крыніцу]ЭКЮ мела код XEU паводле ISO 4217. Існавала толькі ў безнаяўных разьліках, манэты выпускаліся толькі ў некаторых краінах для прыватнага сэктару.
Суадносіны ЭКЮ да валютаў іншых краінаў вызначаліся сыходзячы з таго, што ЭКЮ служыла абагульненым прадстаўніком кошыку валютаў краінаў ЭЭС.
1 студзеня 1999 ЭКЮ быў заменены на эўра ў суадносінах 1 € = 1 ₠. У адрозьненьне ад ЭКЮ эўра — сапраўдная валюта.
Сымбаль
[рэдагаваць | рэдагаваць крыніцу]Сымбаль валюты, ₠ (U+20A0), спалучае накладзеныя C і E, якія зьяўляюцца пачатковы літарамі фразы «Эўрапейская супольнасьць» на шматлікіх эўрапейскіх мовах. Аднак гэты сымбаль не атрымаў шырокага распаўсюду, бо мог адлюстроўвацца толькі некаторымі тагачаснымі сыстэмамі, ды і банкі ўвогуле пераважна (як і з усімі іншымі валютамі) ўжывалі код XEU паводле ISO.
Курс, вызначаны паводле кошыка валютаў
[рэдагаваць | рэдагаваць крыніцу]| Валюта | 13.03.1979— 16.09.1984 |
17.09.1984— 21.09.1989 |
21.09.1989— 31.12.1998 |
|---|---|---|---|
| Бэльгійскі франк | 9,64% | 8,57% | 8,183% |
| Нямецкая марка | 32,98% | 32,08% | 31,955% |
| Дацкая крона | 3,06% | 2,69% | 2,653% |
| Гішпанская пэсэта | — | — | 4,138% |
| Францускі франк | 19,83% | 19,06% | 20,316% |
| Фунт стэрлінгаў | 13,34% | 14,98% | 12,452% |
| Грэцкая драхма | — | 1,31% | 0,437% |
| Ірляндзкі фунт | 1,15% | 1,20% | 1,086% |
| Італійская ліра | 9,49% | 9,98% | 7,840% |
| Люксэмбурзкі франк | — | — | 0,322% |
| Нідэрляндзкі гульдэн | 10,51% | 10,13% | 9,98% |
| Партугальскі эскудо | — | — | 0,695% |