Прастакутнік

Прастакутнік з шырынёй a, вышынёй b і дыяганаляй d

Прастаку́тнік (прамавугольнік) — чатырохкутнік, у якога ўсё куты простыя, г. зн. роўныя 90°.

Уласьцівасьці

• Дыяганалі прастакутніка роўныя.
• Прастакутнік зьяўляецца паралеляграмам — яго процілеглыя бакі раўналежныя.
• Бакі прастакутніка зьяўляюцца адначасова яго вышынямі.
• Квадрат дыяганалі прастакутніка роўны суме квадратаў двух яго не процілеглых бакоў (па тэарэме Піфагора).
• Прастакутнік, які адначасова зьяўляецца і ромбам (у якога ўсе бакі роўныя) — гэта квадрат.

Плошча прастакутніка

Велічыня плошчы прастакутніка роўная памнажэньню шырыні прастакутніка на яго вышыню:

$\ S=a\cdot b$

• дзе $\ a,b$ — бакі прастакутніка

Пэрымэтар прастакутніка

Пэрымэтар прастакутніка роўны падвоенай суме даўжынь яго шырыні і вышыні.

$\ P=2\cdot (a+b)=2a+2b$

• дзе $\ a,b$ — бакі прастакутніка

Прыкметы

Чатырохкутнік зьяўляецца прастакутнікам калі выконваецца хаця б адна з умоваў:

• Усе куты чатырохкутніка простыя
• Дыяганалі паралеляграма роўныя
• Чатырохкутнік зьяўляецца квадратам.
• Квадрат дыяганалі роўны суме квадратаў супрацьлеглых бакоў.

Бакі і дыяганалі

• Даўжынёй прастакутніка завуць даўжыню даўжэйшай пары яго бакоў, а шырынёй — даўжыню карацейшай пары бакоў.
• Даўжыня дыяганалі прастакутніка вылічаецца па тэарэме Піфагора і роўная квадратнаму кораню з сумы квадратаў даўжыні і шырыні.

Вонкавыя спасылкі

Прастакутнік — сховішча мультымэдыйных матэрыялаў