Дрыса (рака)

Рака

Дрыса
Мост праз Дрысу каля возера Буза
Агульныя зьвесткі
Выток	каля г. Докшыцы
Вусьце	Заходняя Дзвіна
Краіны басэйну	Беларусь
Вобласьці	Віцебская вобласьць і Пскоўская вобласьць
Даўжыня	183 км
Сярэднегадавы сьцёк	45,6 м³/с
Плошча басэйну	6420 км²
Нахіл воднай паверхні	0,2 ‰
Галерэя здымкаў у Вікісховішчы

Дрыса — рака ў Расонскім і Дрысенскім (Верхнядзвінскім) раёнах Беларусі, правы прыток Заходняй Дзвіны. Даўжыня 183 км. Плошча вадазбору 6420 км². Сярэднярочны расход вады ў вусьці 45,6 м³/с. Сярэдні нахіл воднай паверхні 0,2 ‰. Агульнае падзеньне ракі 45,3 м.

Асноўныя прытокі

• Праваруч: Нешчарда, Нішча, Свольна.
• Леваруч: Шчаперня, Дахнарка.

На рацэ

• Месты: Дрыса.

Агульныя зьвесткі

Выцякае з возера Дрысы, цячэ па паўночнай частцы Полацкай нізіны, праз азёры Астраўцы, Сіньша і Буза, вусьце ў межах места Дрыса.

Даліна трапэцападобная, месцамі скрынкападобная, ніжэй вусьця Нішчы на асобных дзялянках невыразная, шырынёй 0,2 — 0,5 км, у нізоўі — 1,5 км. Абалона нярэдка забалочаная, яе шырыня 0,1 — 0,5 км. Рэчышча зьвілістае, шырынёй 25 — 45 м. Веснавое разводзьдзе пачынаецца ў канцы сакавіка, доўжыцца каля 60 дзён.

Летне-восеньская межань каля 140 дзён. Замярзае ў канцы сьнежня, крыгалом у канцы сакавіка — пачатку красавіка. Веснавы ледаход у вярхоўі 8 дзён, у нізоўі 2 дні. Каля вёскі Дзёрнавічы Верхнядзвінскага раёну (61 км угару ад вусьця) найвялікшы расход вады 279 м³/с (1962), найменшы — 6,34 м³/с (1972).

Літаратура

• Блакiтная кнiга Беларусi: Энцыкл. / БелЭн; Рэдкал.: Н.А. Дзiсько i iнш. — Мн.: БелЭн, 1994
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. — Л., 1971.
• Природа Белоруссии: Попул. энцикл. / БелСЭ; Редкол.: И.П. Шамякин (гл.ред.) и др. — Мн.: БелСЭ, 1986. — 599 с., 40 л. ил.