Korn

Korn
KoЯn на MTV Asia, 2006
Інфармацыя
Гады	1993 — нашы дні
Адкуль	Бэйкэрсфілд, Каліфорнія, ЗША
Мова	ангельская
Жанр(ы)	ню-мэтал, альтэрнатыўны мэтал
Выдавец	Immortal Records/Epic Records EMI/Virgin Records
Зьвязаныя праекты	Jonathan Davis and the SFA, Fear and the Nervous System, StillWell, Fieldy's Dreams, Head
Удзельнікі	Джонатан Дэвіс, Джэймс Шафэр, Рэджынальд Арвізу
Былыя ўдзельнікі	Браян Ўэлч, Дэвід Сыльвэрыя
http://www.korn.com/

Korn (часам пішуць як «KoRn» або «KoЯn», паўтараючы лягатып гурта) — музычны калектыў у стылі ню-мэтал, заснаваны ў Бэйкэрсфілдзе, Каліфорнія, ЗША.

Назва і гісторыя

Першапачатковая назва была LAPD (Love And Peace Dude), пад ёю калектыў выступаў яшчэ без сьпевака Джонатана Дэвіса. Пазьней назва была зьмененая на "Creep". У 1993 г. да гурту далучыўся Джонатан Дэвіс, і назва была зьмененая на "Korn" (ад зьмененага ангельскага Corn - "зярня"). У кастрычніку 1994 г. на Epic/Immortal Records выйшаў іх дэбютны альбом - Korn.

Korn лічацца першапачынальнікамі хвалі ню-мэтал-музыкі другое паловы 1990-х і пачатку 2000-х гадоў; яны спрыялі паўставаньню такіх музычных гуртоў, як Limp Bizkit і Deftones.

Спэцыфічная манэра сьпеву Дж. Дэвіса - завываньні, рык, стогны - і тэксты ягоных песень інсьпіраваныя тым, што ў дзіцячым веку ён быў зґвалтаваны. Музыка Korn - гэта сумесь мэталу і гіп-гопу, з сынтэтычна апрацаваным гукам разладжаных сяміструнных гітараў, барабанаў, глыбокага басу і ды-джэйскімі ўстаўкамі.

Гурт меў і мае вялікую папулярнасьць у сваіх колах, меў супольныя музычныя праекты з некаторымі гіп-гоп-выканаўцамі як Ice Cube і Nas. На дзесяцігодзьдзе гурту выйшаў альбом лепшых песень Korn зь двума кавэрамі: гіта гурту Cameo, "Word Up" і трох частак знакамітых Pink Floyd'авых "Another Brick in the Wall".

Гурт працягвае разьвівацца і экспэрымэнтаваць з новымі гукамі і прыёмамі, у тым ліку з традыцыйна нетыповымі для музыкі Korn гітарных солаў. Гурт скончыў свой кантракт з Sony Records і плянуе выпушчаць свае будучыя альбомы самастойна, робячыся першым такім прэцэдэнтам сярод зорак альтэрнатыўнае музыкі.

22 лютага 2005 года гітарыст Браян Ўэлч пакінуў гурт па рэлігійных і маральных матывах. Музыка стаўся вельмі рэлігійным, прыняў хрост у водах ракі Ярдану. Гэта была першая зьмена складу гурту.

Склад

Цяперашні склад

• Джонатан Дэвіс - вакал, дуда, барабаны
• Рэджынальд "Fieldy" Арвізу - бас-гітара
• Джэймс "Munky" Шафэр - гітара

Былыя ўдзельнікі

• Браян "Head" Ўэлч (1993 - 2005) - гітара, бэк-вакал
• Дэвід Сыльвэрыя (1993 - 2006) - барабаны

Дыскаграфія

Альбомы

• Korn (1994)
• Life Is Peachy (1996)
• Follow the Leader (1998)
• Issues (1999)
• Untouchables (2002)
• Take a Look in the Mirror (2003)
• See You on the Other Side (2005)
• Untitled album (2007)
• TBA (2009)

Самотнікі і кліпы

Многія зь іх можна зладаваць з KoЯnTV.

З альбому KoЯn

• Blind
• Faget
• Clown
• Shoots and Ladders

З альбому Life Is Peachy

• A.D.I.D.A.S.
• Good God
• No Place To Hide

З альбому Follow The Leader

• Got The Life
• Freak on a Leash

З альбому Issues

• Falling Away From Me
• Make Me Bad
• Somebody Someone

З альбому Untouchables

• Here To Stay
• Thoughtless
• Alone I Break

З альбому Take A Look In The Mirror

• Did My Time
• Right Now
• Y'all Want a Single
• Everything I've Known

З альбому Greatest Hits, Volume 1

• Word Up
• Another Brick in the Wall

Удзел у саўндтрэках да фільмаў

• Я ведаю, што вы зрабілі мінулым летам - Proud
• Горад Анёлаў - Sean Olsen
• End of Days - The Camel Song
• Spawn - Kick the P.A., разам з Dust Brothers
• Tomb Raider: The Cradle of Life - Did My Time
• The Queen of the Damned - музыка напісаная Джонатанам Дэвісам
• XXX: State of the Union - Fight The Power - Першапачаткова запісана Public Enemy. У запісу ўдзельнічаў рэпэр Xzibit, прадусарам выступіў рэпэр Lil Jon.

Вонкавыя спасылкі

Korn — сховішча мультымэдыйных матэрыялаў

• Афіцыйная старонка  (анг.)
• KoЯnTV  (анг.)