Ордэн Францішка Скарыны

Ордэн Францішка Скарыны

О́рдэн Франці́шка Скары́ны - беларуская дзяржаўная ўзнагарода, ордэн. Заснаваны ў 1995 пастановай Вярхоўнага Савету як адна з найвышэйшых дзяржаўных узнагародаў Беларусі за асаблівыя заслугі ў справе нацыянальна-дзяржаўнага адраджэньня. Мае ўручацца за

1. значныя посьпехі ў справе нацыянальна-дзяржаўнага адраджэньня Беларусі, дасягненьні ў галіне нацыянальнай мовы, літаратуры, мастацтва, а таксама прапаганды культурніцкай спадчыны беларускага народу;
2. за адмысловыя заслугі ў гуманітарнай, дабрачыннай дзейнасmці, у справе абароны чалавечае годнасьці й правоў грамадзянаў, міласэрнасьць і іншыя высакародныя ўчынкі.

Ордэн Францішка Скарыны носіцца на левым боку грудзяў і пры наяўнасьці іншых ордэнаў зьмяшчаецца пасьля ордэны Пашаны.

Апісаньне

Ордэн Францішка Скарыны ўяўляе сабой чатырохканцовую зорку з колам, складзеную ў авал памерам па вэртыкалі 43 мм, па гарызанталі — 39 мм. У цэнтры кола — рэльефны малюнак Францішка Скарыны, у ніжняй частцы — лаўровая галіна. Авал апраўлены бела-блакітнай эмалевай стужкай з надпісам «Францыск Георгiй Скарына». Зваротны бок ордэна мае гладкую паверхню, у цэнтры знаходзіцца нумар ордэна.

Ордэн пры дапамозе вушкі й кольца злучаецца з калодкай сямікутнай формы, у ніжняй частцы якой размешчаны знак «сыгнет». Калодка абцягнутая муаровой стужкай цёмна-фіялетавага колеру.

Ордэн вырабляецца з срэбра з пазалотай.

Ордэнам узнагароджаныя:

• Міхаіл Савіцкі
• Васіль Раінчык
• Міхаіл Фінберг
• Анатоль Ярмоленка
• Павал Якубовіч
• Уладзімер Адамушка
• Уладзімер Мулявін
• Аляксандар Зімоўскі
• Надзея Бабкіна
• Мікалай Баскаў
• Барыс Ельцын
• Генадзь Селязьнёў
• Юры Лужкоў
• Аляксій II (Рыдзігер)
• П’ер Кардэн і іншыя

Вонкавыя спасылкі

• Зімоўскага ўзнагародзілі ордэнам Скарыны
• ЗАКОН Рэспублікі Беларусь ад 18.05.2004 N 288-З (рэд. ад 04.05.2005) «Аб ДЗЯРЖАЎНЫХ УЗНАГАРОДАХ РЭСПУБЛІКІ БЕЛАРУСЬ»
• Указ прэзыдэнта Рэспублікі Беларусь Аб сьцьвярджэньні апісаньня ордэнаў, мэдалёў і нагрудных знакаў ды ганаровых званьняў Рэспублікі Беларусь