Ірына Масьляніцына

Ірына Масьляніцына
Асабістыя зьвесткі
Нарадзілася	14 лістапада 1965 (58 гадоў) м. Пачынак Смаленскай вобласьці, РСФСР, СССР
Літаратурная дзейнасьць
Род дзейнасьці	пісьменьніца, журналістка
Мовы	беларуская, расейская
Узнагароды	Залаты Купідон
Творы на сайце Knihi.com

Іры́на Алякса́ндраўна Масьляні́цына (па-расейску: Ирина Александровна Масляницына; нар. 14 лістапада 1965, м. Пачынак Смаленскай вобласьці, РСФСР, СССР) — беларуская пісьменьніца, журналістка.

Жыцьцяпіс

З 1972 г. жыве ў Беларусі. Скончыла слонімскую СШ №2 з залатым мэдалём. У 1988 г. скончыла факультэт журналістыкі БДУ. Працавала ў газэце «Зара камунізму» (Пружаны, Берасьцейская вобласьць).

Вярнуўшыся ў Менск, працавала у газэтах «Добры вечар», «Цэнтральная газэта» на тэлебачаньні, у часопісе «Беларусь», загадчыцай аддзелу інфармацыі ў газэце «Літаратура і мастацтва» (2010—2012). З 2012 — у часопісе «Алеся».

Сябра Саюзу журналістаў СССР (1990) і Саюзу пісьменьнікаў Беларусі (2006).

Творчасьць

Аўтарка шэрагу кніг па гісторыі Беларусі, у асноўным у суаўтарстве зь М. Багадзяжам. Аўтарка гістарычных п’есаў, сцэнарыстка дакумэнтальных тэлефільмаў.

Цікавілася жыцьцяпісам графаў Чапскіх, буйных землеўладальнікаў Койданаўшчыны, знакамітых грамадзкіх і дзяржаўных дзеячоў XIX—XX стст.

Літаратура

• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.

Вонкавыя спасылкі

• Жыцьцяпіс на Камунікаце