Ігнат Канчэўскі: розьніца паміж вэрсіямі

	Ігнат Канчэўскі
	Ігнат Уладзімеравіч Канчэўскі
Асабістыя зьвесткі
Псэўданімы	Абдзіраловіч
Нарадзіўся	Травень 1896 году; Вільня, Расейская імпэрыя;
Памёр	21 красавіка 1923 (26 гадоў); Вільня, Віленскае ваяводзтва, Польская Рэспубліка;
Пахаваны	Вільня;
Сужэнец	Людміла Канчэўская[d]
Літаратурная дзейнасьць
Род дзейнасьці	публіцыст, паэт, філёзаф
Гады творчасьці	1921—1923
Жанр	Паэзія
Мова	Беларуская
Значныя творы	Адвечным шляхам (1921)
	Творы ў Вікікрыніцах
	Творы на сайце Knihi.com
	Ігнат Канчэўскі ў Вікісховішчы

Інтэрактыўны прагляд гісторыі

← Папярэдняя зьмена Наступная зьмена →

Змесціва выдалена Змесціва дададзена

ВізуальнаВікіразметка

Лінейны

Вэрсія ад 13:59, 24 лістапада 2018

Ігна́т Уладзі́меравіч Канчэ́ўскі (псэўданім — Ігна́т Абдзірало́віч; травень 1896^[1] — 21 красавіка 1923^[1]) — беларускі паэт, філёзаф, публіцыст, удзельнік беларускага культурна-асьветніцкага руху^[2].

Біяграфія

Нараджэньне

Канчэўскі Ігнат Уладзімеравіч нарадзіўся ў траўні 1896 году ў сям’і сакратара акруговага вайсковага суду.

Асноўныя падзеі

У 1913 годзе скончыў Віленскую рэальную вучэльню^[2].
У 1913—1916 гадах навучаўся ў Пецярбурскім тэхналягічным інстытуце,^[2] перайшоў на гісторыка-філялягічны факультэт у Маскоўскім унівэрсытэце^[1].
У 1916 годзе — Ігната Канчэўскага забралі ў войска, што змусіла яго прыпыніць навучаньне. Ваяваць давялося ў Румыніі, а падчас Лютаўскай рэвалюцыі ён апынуўся ва Ўкраіне. Сацыял-рэвалюцыянэр Канчэўскі ўступае ва ўкраінскае нацыянальнае войска, але пазьней пакінуў фронт^[1].
Увосень 1917 годзе — навучаўся на вышэйшых каапэратыўных курсах пры Народным унівэрсытэце імя А. Шаняўскага, Масква^[2].
21 красавіка 1923 — будучы хворым на сухоты, памірае ў дваццацішасьцігадовым узросьце на акупаванай палякамі Заходняй Беларусі, у Вільні^[1].

Праца й дасягненьні

Працаваў у Цэнтральным саюзе ільнаводаў у Смаленску. У Савецкай Беларусі быў інструктарам Саўнаргасу ў Менску. Пазьней жыве ў Вільні й працуе ў Саюзе беларускіх каапэратараў, кіруе вучнёўскім гуртком геаграфіі ў Віленскай беларускай гімназіі. Вядома таксама, што ён захапляўся ўсходняй філязофіяй і стварыў у Вільні беларускі гурток ёгі^[1].

Творчасьць

Вершы друкаваў пад псэўданімам Ігнат Абдзіраловіч^[2]. Прынамсі адзін зь вершаў Канчэўскага — «Верасьнёвае пано» — падпісаны псэўданімам Ганна Галубянка^[3], але ён быў перапісаны і дасланы ў рэдакцыю братам Канчэўскага Арсенем, і зьвестак, што сам Канчэўскі меў дачыненьне да публікацыі свайго верша пад такім псэўданімам, не існуе.

Паэтычная творчасьць вызначаецца філязофскай пранікнёнасьцю ў сутнасьць народнага жыцьця, спалучэньнем прыгажосьці беларускага слова з нацыянальным сьветабачаньнем, замілаваньнем да чалавека, верай у адраджэньне й будучы росквіт Бацькаўшчыны.

Вершы й артыкулы друкаваліся ў газэтах: «Наш сьцяг», «Наша думка», «Беларускія ведамасьці», «Наша будучыня»^[2]

Бібліяграфія

«Па сьвятой зямлі…»
«Верасьнёвае пано»
«На матывы Р.Тагора»
верш у прозе «Мы разам…»

Вядомай і бадай самай галоўнай працай Ігната Канчэўскага застаецца філязофскае эсэ «Адвечным шляхам», тэкст якога ўпершыню быў выдадзены ў Вільні ў 1921 годзе невялікім накладам, а потым каля шасьцідзесяці гадоў праляжаў у сховах спэцфондаў. Наступная публікацыя тэксту адбылася толькі ў 1988 годзе: спачатку ў часопісе «Нёман» у перакладзе на расейскую мову, а пасьля — у газэце «Супольнасьць» (№№ 4—5, 1988) і ў зборніку «Вобраз-90» у 1990 годзе.

Крыніцы

^ ^а ^б ^в ^г ^д ^е Тацьцяна Сьлінка. Праблема Беларускай ідэнтычнасьці ў тэксьце Ігната Абдзіраловіча «Адвечным шляхам» // Беларускі калегіюм, 16.05.2005
^ ^а ^б ^в ^г ^д ^е Канчэўскі Ігнат // Культуралогія: Энцыклапедычны даведнік / Уклад. Дубянецкі Э. — Менск: БелЭн, 2003. ISBN 985-11-0277-6.
^ Вільня. Анталёгія беларускай паэзіі XX ст.

Вонкавыя спасылкі

Тацяна Сьлінка. Праблема беларускай ідэнтычнасьці ў тэксьце Ігната Абдзіраловіча «Адвечным шляхам» // Беларускі калегіюм, 16.05.2005
Беларуская Інтэрнэт-бібліятэка. Адвечным шляхам

[slinka-1] а ^б ^в ^г ^д ^е Тацьцяна Сьлінка. Праблема Беларускай ідэнтычнасьці ў тэксьце Ігната Абдзіраловіча «Адвечным шляхам» // Беларускі калегіюм, 16.05.2005

[slounik-2] а ^б ^в ^г ^д ^е Канчэўскі Ігнат // Культуралогія: Энцыклапедычны даведнік / Уклад. Дубянецкі Э. — Менск: БелЭн, 2003. ISBN 985-11-0277-6.

[3] Вільня. Анталёгія беларускай паэзіі XX ст.

[1]

[2]

[3]

@@ Радок 68: / Радок 68: @@
 [[Катэгорыя:Нарадзіліся ў 1896 годзе]]
 [[Катэгорыя:Беларускія паэты і паэткі]]
+[[Катэгорыя:Беларускамоўныя паэты і паэткі‎]]
 [[Катэгорыя:Беларускія філёзафы]]
 [[Катэгорыя:Памерлі ў Вільні]]