Кляўдыё Гуджэроцьці

Кляўдыё Гуджэроцьці
per orientalem viam
тытулярны біскуп Равэльлё
2001 — цяперашні час
Папярэднік:	Ганс Швэмэр
Апостальскі нунцый у Азэрбайджане, Армэніі і Грузіі
2001 — 2011
Папярэднік:	Пэтэр Штэфан Цыбрыген
Апостальскі нунцый у Беларусі
2011 — цяперашні час
Папярэднік:	Марцін Відавіч
Асабістыя зьвесткі
Нарадзіўся:	7 кастрычніка 1955 (68 гадоў) Вэрона
Узнагароды:
Кляўдыё Гуджэроцьці ў Вікісховішчы

Кля́ўдыё Гуджэро́цьці (7 кастрычніка 1955, Вэрона, Італія) — рыма-каталіцкі тытулярны арцыбіскуп Равэльлё, дыплямат.

Жыцьцяпіс

Скончыў факультэт усходніх моваў і літаратуры пры Вэнэцыянскім дзяржаўным унівэрсытэце «Cà Foscari», атрымаў вучоную ступень магістра навукі сьвятой літургіі пры Папскім літургічным інстытуце сьв. Анзэльма ў Рыме.

Сьвятарскае пасьвячэньне атрымаў 29 траўня 1982.

Выкладаў у Тэалягічным коледжы сьвятога Зянона, Інстытуце экумэнічных студыяў «Сан-Бэрнардына», унівэрсытэтах Вэнэцыі, Падуі і Рыму, Папскага Грыгарыянскага ўнівэрсытэту і Папскага ўсходняга інстытуту. Аўтар некалькіх кнігаў і дасьледаваньняў па ўсходняй хрысьціянскай традыцыі, асабліва армянскай, і літургіі.

У 1985 паступіў на служэньне ў Апостальскую Сталіцу ў Кангрэгацыю па справах усходніх Касьцёлаў, быў сакратаром кардынала Акіле Сыльвэстрыні.

7 сьнежня 2001 прызначаны Апостальскім нунцыем у Армэніі і Грузіі, узьведзены ў званьне тытулярнага біскупа Равэльлё. 13 сьнежня 2001 прызначаны Апостальскім нунцыем у Азэрбайджане.

6 студзеня 2002 ў Саборы Сьвятога Пятра ў Ватыкане атрымаў біскупскую сакру. Галоўным кансэкратарам быў папа Ян Павал II.

15 ліпеня 2011 прызначаны Апостальскім нунцыем у Беларусі.

Узнагароды

• Ордэн Гонару (Грузія)
• Мэдаль Маўзэса Харэнацы (Армэнія)
• Ордэн сьвятога Нэрсэса Міласьцівага (Армянская апостальская царква)
• Залаты мэдаль сьвятога Барталямэя (Расейская праваслаўная царква)

Вонкавыя спасылкі

• Archbishop Claudio Gugerotti (анг.)
• Claudio Gugerotti
• Арцыбіскуп Гуджэроцці: абяцаю ўсім беларусам слухаць і любіць іх
• Апостальскі Нунцый ў Беларусі арцыбіскуп Клаўдыё Гуджэроцці
• Ватыкан прызначыў новага прадстаўніка ў Беларусі

Папярэднік Марцін Відавіч

Апостальскі нунцый у Беларусі 15 ліпеня 2011 — цяпер

Наступнік '