Брэшыя
| Брэшыя | |||
| |||
| |||
| Краіна: | Італія | ||
| Кіраўнік: | Эміліё Дэль Бона[d] | ||
| Плошча: |
| ||
| Вышыня: | 149 м н. у. м. | ||
| Насельніцтва: |
| ||
| Тэлефонны код: | 030 | ||
| Паштовы індэкс: | 25121–25136 | ||
| Нумарны знак: | BS | ||
| Геаграфічныя каардынаты: | 45°32′20″ пн. ш. 10°13′13″ у. д. / 45.53889° пн. ш. 10.22028° у. д.Каардынаты: 45°32′20″ пн. ш. 10°13′13″ у. д. / 45.53889° пн. ш. 10.22028° у. д. | ||
Брэшыя на мапе Італіі   Брэшыя | |||
 Галерэя здымкаў у Вікісховішчы
| |||
| http://www.comune.brescia.it | |||
Брэшыя (па-італьянску: Brescia, па-лямбардзку: Brèsa, па-лацінску: Brixia) — горад у італьянскім рэгіёне Лямбардыя, адміністрацыйны цэнтар аднайменнай правінцыі. Месьціцца ля падножжа Альпаў, за некалькі кілямэтраў ад азёраў Гарда і Ізэо. Маючы насельніцтва больш за 200 тысячаў чалавек, Брэшыя зважаецца другім паводле велічыні горадам у Лямбардыі і чацьверты паводле гэтага жа паказьніку местам на паўночным захадзе Італіі. Лічыцца важным прамысловым горадам[3].
Гісторыя
[рэдагаваць | рэдагаваць крыніцу]
Горад стаў рымскім у 225 годзе да н. э., калі кенаманы падпарадкаваліся рымлянам. За часам картагенскіх войнаў Брыксія, як тады называлася месла, была ў хаўрусе з рымлянамі. Калі быў утвораны Кельцкі зьвяз, скіраваны супраць Старажытнага Рыма, места заставалася верным рымлянам. З сваімі рымскімі хаўрусьнікамі горад зьнянацку напаў і зьнішчыў інсубраў. У 89 годзе да н. э. Брыксія атрымала статус гораду, а ў 41 годзе да н. э. ейныя жыхары здабылі рымскае грамадзянства. Пры Тыбэрыюсе быў пабудаваны аквэдук. У 402 годзе горад быў спустошаны вэстготамі Алярыха I. За часам уварваньня гунаў, ачоленых Атылам, у 452 годзе горад быў абложаны і разрабаваны. У 568 або 569 гадах Брэшыя была адабраная ў бізантыйцаў лянгабардамі, якія зрабілі яе сталіцай аднаго са сваіх паўнезалежных герцагстваў. У 774 годзе Карл Вялікі захапіў горад і паклаў канец Лянгабардзкаму каралеўству ў паўночнай Італіі. З 855 па 875 гады пры Людовіку II Брэшыя стала фактычнай сталіцай Сьвятой Рымскай імпэрыі. Пазьней улада біскупа як прадстаўніка імпэрыі паступова саступіла месца мясцовым грамадзянам і знаці, у выніку чаго Брэшыя стала свабоднай камунай прыблізна ў пачатку XII стагодзьдзя. Пазней камуна пашырылася на суседнія вёскі за кошт прыхільнасьці мясцовых землеўладальнікаў. У 1138 годзе Брэшыя перажыла паўстаньне супраць мясцовага біскупа Манфрэда, якое ачоліў радыкальны рэфарматар і канонік Арнольд Брэшыйскі[4].
Крыніцы
[рэдагаваць | рэдагаваць крыніцу]- ^ Superficie di Comuni Province e Regioni italiane al 9 ottobre 2011 — ISTAT.
- ^ https://demo.istat.it/?l=it
- ^ Meneghello, Matteo (27.11.2014). «Brescia remains Italy’s industrial capital». Ilsole24ore.com.
- ^ Moore, R. I. (1994). «The Origins of European Dissent». London: University of Toronto Press. — С. 117. — ISBN 0-8020-7566-5.
Вонкавыя спасылкі
[рэдагаваць | рэдагаваць крыніцу]- Афіцыйны сайт. (італ.)