Whitesnake
| Whitesnake | |
 | |
| Гады | 1978—1990, 1994, 1997, 2003—цяпер |
|---|---|
| Краіна | |
| Месца ўтварэньня | Лёндан, Вялікабрытанія |
| Мова | ангельская |
| Жанр | гард-рок, блюз-рок, глэм-мэтал, гэві-мэтал |
| Выдавец | Geffen Records[d] |
| Удзельнікі | |
| whitesnake.com (анг.) | |
Whitesnake (па-беларуску: Белая зьмяя; чытаецца Ўайтснэ́йк) — ангельскі, а пазьней амэрыканскі гард-рок-гурт, створаны ў 1978 годзе сьпеваком Дэйвідам Кавэрдэйлам, які на той час пакінуў склад Deep Purple. На працягу ўсёй гісторыі існаваньня музычнага калектыву толькі Кавэрдэйл ёсьць адзіным сталым удзельнікам.
У першыя гады Whitesnake карыстаўся вялікім посьпехам у Вялікабрытаніі, Эўропе і Японіі. Альбомы «Ready an’ Willing», «Come an’ Get It» і «Saints & Sinners» уваходзілі ў першую дзясятку альбомавых чартаў Вялікабрытаніі. Аднак прыкладна ў сярэдзіне 1980-х гадох Кавэрдэйл накіраваў свой позірк на Паўночную Амэрыку, дзе Whitesnake заставаліся ў асноўным невядомымі. Пры падтрымцы амэрыканскага лэйблу Geffen Records гурт выпусьціў альбом «Whitesnake» у 1987 годзе, які аказаўся самым посьпяховым на сёньняшні дзень, прадаўшы больш за восем мільёнаў асобнікаў у ЗША і спарадзіўшы такія гіты, як то «Here I Go Again» і «Is This Love». Чальцы гурта таксама прынялі больш сучасны зьнешні выгляд, падобны на музыкаў глэм-мэталу, які быў шалёна папулярны на той час у ЗША. Пасьля выпуску альбому «Slip of the Tongue» у 1989 годзе, Кавэрдэйл вырашыў прыпыніць праект Whitesnake, каб адпачыць ад музычнай індустрыі. Акрамя некалькіх кароткачасовых узьяднаньняў у 1990-х гадох, гурт заставаўся ў асноўным бязьдзейным да 2003 году, калі Кавэрдэйл сабраў новы склад дзеля сьвяткаваньня 25-годзьдзя Whitesnake. З таго часу гурт выпусьціў яшчэ чатыры студыйныя альбомы і шмат гастраляваў па ўсім сьвеце.
Раньні гук Whitesnake быў ахарактарызаваны крытыкамі як блюз-рок, але зь цягам часу яны павольна пачалі рухацца да больш камэрцыйных варыяцыяў гард-року. Такія тэмы, як каханьне і плоцевыя стасункі часта сустракаюцца ў тэкстах гурта, праз што яны падвяргаюцца крытыцы за празмернае выкарыстаньне падвойнага сэнсу. Гурт час ад часу ўключаецца ў рзныя сьпісы найлепшых гард-рок-гуртоў усіх часоў[1][2], і іхныя песьні і альбомы таксама зьяўляліся ў шматлікіх спісах найлепшых, як то на VH1 і ў Rolling Stone[3][4][5].
Дыскаграфія
[рэдагаваць | рэдагаваць крыніцу]- Студыйныя альбомы
- Trouble (1978)
- Lovehunter (1979)
- Ready an’ Willing (1980)
- Come an’ Get It (1981)
- Saints & Sinners (1982)
- Slide It In (1984)
- Whitesnake (1987)
- Slip of the Tongue (1989)
- Restless Heart (1997)
- Good to Be Bad (2008)
- Forevermore (2011)
- The Purple Album (2015)
- Flesh & Blood (2019)
Крыніцы
[рэдагаваць | рэдагаваць крыніцу]- ^ «Ep. 036 | 100 Greatest Artists of Hard Rock - Hour 1 | The Greatest | Episode Summary, Highlights, and Recaps». VH1.com.
- ^ «Top 25 Hard Rock acts of all time: Where does your favorite rank?». The Mercury News.
- ^ «VH1: 100 Greatest Songs of the 80's». Rock on the Net.
- ^ «50 Greatest Hair Metal Albums of All Time». Rolling Stone.
- ^ «Readers' Poll: The Best Hair Metal Songs of All Time». Rolling Stone.