New Line Cinema
|
|
Гэты артыкул не адпавядае стандартам вікі-фарматаваньня. |
|---|
 | |
| Тып | Даччынае таварыства кампаніі Warner Bros. |
|---|---|
| Заснаваная | 1967 |
| Уласьнікі | Warner Media Group[d] |
| Краіна | ЗША |
| Разьмяшчэньне | Лос-Анджэлес |
| Галіна | кінавытворчасьць |
| Матчына кампанія | Warner Bros. Entertainment, Inc. |
| Даччыныя кампаніі | Fine Line Features[d] |
«New Line Cinema» (бел. новая лінія кіно) — адна з найбуйнейшых амэрыканскіх кінакампаніяў. Заснавальнікі — Робэрт Шэй і Майкл Лін.
Гісторыя[рэдагаваць | рэдагаваць крыніцу]
Утворана ў 1967 годзе Робэртам Шэем, якому на той момант было 27 гадоў. Спачатку кампанія займалася распаўсюджаньнем замежнах фільмаў ды стужак у жанры артгаўз сярод студэнцкіх гарадкоў у ЗША. Адным зь першых посьпехаў кампаніі быў распаўсюд прапагандысцкага фільму супраць марыхуаны «Касяковая бязглузьдзіца» (анг. Reefer Madness), які меў вялікі посьпех напачатку 1970-х. У 1976 годзе кампанія ўпершыню прафінансавала здымкі паўнамэтражнага фільму «Каскадэры» (анг. Stunts). Яшчэ тры фільмы былі прафінансаваныя ў 1981 ды 1983 годзе. Першай камэрцыйна пасьпяховай франшызай кампаніі стаў фільм «Кашмар на вуліцы вязаў» (1984). У 1994 годзе кампанія спачатку была прададзеная канцэрну Turner Broadcasting System, а ў 1996 годзе стала даччынай структурай мэдыя-карпарацыі «Time Warner». Уключае падразьдзяленні па тэатральным пракаце, збыце, хатнім відэа і аддзяленьне, якое спэцыялізуецца на незалежным кіно і носіць назву «Picturehouse». Кампанія датычная да выпуску кінатрылёгіі «Ўладар пярсьцёнкаў», сэрыі фільмаў «Остын Паўэрз», «Блэйд», «Пункт прызначэньня», «Тупы і яшчэ тупей», «Кашмар на вуліцы Вязаў», «Круцельства», «Сьмяротная Бітва».
Часам жартам «New Line Cinema» завуць «Домам, які пабудаваў Фрэдзі» з-за фільму, які зрабіў студыю знакамітай — «Кашмар на вуліцы Вязаў»[1].
У 2008 годзе кампанія была паглынута «Warner Brothers» з-за фінансавых праблемаў[2]. «New Line Cinema» спэцыялізавалася на фантастычным кіно і стужках з шырокамаштабнымі візуальнымі эфэктамі.
Фільмы[рэдагаваць | рэдагаваць крыніцу]
- Асноўны артыкул: Фільмы, выпушчаныя «New Line Cinema»
Крыніцы[рэдагаваць | рэдагаваць крыніцу]
- ^ Nightmare on Elm Street. DVD Revire. Праверана 18 кастрычніка 2014 г. Архіўная копія ад 13 кастрычніка 1999 г.
- ^ Браты Ўорнэр паглынулі «Уладара пярсьцёнкаў». РБК daily. Праверана 18 кастрычніка 2014 г.
Вонкавыя спасылкі[рэдагаваць | рэдагаваць крыніцу]
- New Line Cinema IMDb Праверана 18 кастрычніка 2014 г.
 |
Гэта — накід артыкула пра кінэматограф. Вы можаце дапамагчы Вікіпэдыі, пашырыўшы яго. |
