Nestlé

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Nestlé
Выява лягатыпу
NestleHQ.jpg
Тып акцыянэрнае таварыства[d] і публічная кампанія
Лістынг на біржы NESN і TYO: 2960
Дэвіз Good food, Good life
Заснаваная 1866
Уласьнікі скарбовая акцыя[d][1], BlackRock[d][1] і Нарвэскі банк інвэстыцыйнага кіраваньня[d][2]
Краіна
Разьмяшчэньне
Галіна харчовая прамысловасьць[d] і харчовая і тытунёвая прамысловасьць[d][4]
Прадукцыя кандытарская прадукцыя, кава, пітная вада[d] і марожанае
Апэрацыйны прыбытак
Чысты прыбытак
Лік супрацоўнікаў
Даччыныя кампаніі Nestea[d], Vittel[d], Bonka[d], Nestlé Waters[d], Alcon[d], Nestlé (United States)[d], Nestlé (Canada)[d], Orion[d], Osem[d], Froneri[d], Nestlé Česko[d], BlueTriton Brands[d], Nespresso[d], Nestlé Rossiya[d], Nestlé Deutschland[d], Nestlé-Кот д’Івуар[d], Hjem-IS[d], Deutsche Aktiengesellschaft für Nestle-Erzeugnisse[d][7], Nestlé India[d], Rowntree's[d] і Nestle España[d]

Nestlé S.A. (па-беларуску: Нэсьле ці Нэстле) — швайцарская транснацыянальная карпарацыя, якая займаецца вырабам прадуктаў харчаваньня і напояў. Штаб-кватэра арганізацыі месьціцца ў швайцарскім горадзе Вэвэ ў кантоне Во. Кампанія ёсьць найбуйнейшым ў сьвеце вытворцам харчовых прадуктаў з 2014 году[8][9][10][11][12] як паводле прыбытку, гэта і паводле і іншых паказчыкаў. Яна заняла 64 радок у сьпісе Fortune Global 500 у 2017 годзе[13] і 33 радок у сьпісе Forbes Global 2000 найбуйнейшых публічных кампаніяў 2016 году[14].

Прадукцыя Nestlé ўлучае дзіцячае харчаваньне, мэдычнае харчаваньне, ваду ў бутэльках, сухія сьняданкі, каву і гарбату, кандытарскія вырабы, малочныя прадукты, марозіва, замарожаныя харчы, корм для хатніх жывёлаў і перакускі. Дваццаць дзевяць брэндаў кампаніі маюць гадавы аб’ём продажаў больш за 1 мільярд швайцарскіх франкаў[15]. Да іхняга ліку ўваходзяць Nespresso, Nescafé, Kit Kat, Smarties, Nesquik, Stouffer’s, Vittel і Maggi. Арганізацыя мае 447 заводаў, якія працуюць у 189 краінах сьвету. Пэрсанал вытворцы налічвае каля 339 тысяч чалавек[16]. Акрамя таго, карпарацыя ёсьць адным з асноўных акцыянэраў кампаніі L’Oreal, найбуйнейшай у сьвеце касмэтычнай кампаніі[17].

Nestlé была ўтвораная ў 1905 годзе шляхам аб’яднаньня Ангельска-швайцарскай малочнай кампаніі, створанай у 1866 годзе братамі Джорджам і Чарлзам Пэйджам, і кампаніяй Малочная мука Анры Нэсьле, фундацыя якой адбылася ў 1867 годзе швайцарскім прыдпрымальнікам нямецкага паходжаньня Анры Нэсьле[18]. Nestlé значна павялічыла сваю вытворчасьць падчас Першай сусьветнай вайны і зноўку пасьля Другой сусьветнай вайны, пашырыўшы свае прапановы па-за межы раньняга згушчанага малака і дзіцячых сумесяў. Кампанія зрабіла шэраг карпаратыўных набыткаў, выкупіўшы долі ў шэрагу кампаніях пачынаючы з 1950-х гадоў.

Кампанія час ад часу сутыкаецца з крытыкай і байкотам, як то празь ейную маркетынгавую кампанію дзіцячай сумесі як альтэрнатывы груднога гадаваньня ў разьвіваных краінах, дзе ёсьць цяжкасьці з забесьпячэньнем чыстай пітной вады, а таксама праз сувязі з прыцягненьнем дзіцячай працы ў вытворчасьці какавы.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]