MC Erik & Barbara

	MC Erik & Barbara
Гады	1995—1998, 2010
Месца ўтварэньня	Славаччына
Мова	ангельская, славацкая
Жанр	эўрадэнс
Выдавец	Polygram, TRUSTIA
Зьвязаныя праекты	Maduar
Удзельнікі	Эрык Арэста; Барбара Гашчакава
	www.mcerik.sk

MC Erik & Barbara (вымаўляецца «Эм-Сі Эрык энд Барбара») — славацкі музычны гурт, які існаваў у 1990-х гадох і працаваў у стылі эўрадэнс.

Гісторыя

Гурт быў заснаваны ў сакавіку 1995 году, калі кампазытар і сьпявак Эрык Арэста і сьпявачка Барбара Гашчакава вырашылі пакінуць іншы славацкі эўрадэнс-праект Maduar і заснаваць уласны. У тым жа годзе Эрык і Барбара падпісалі з Polygram кантракт на выданьне трох альбомаў і выдалі свой першы сынгл «I’m Free». Неўзабаве выйшаў іх другі сынгл «U Can’t Stop» і аднайменны альбом, які стаў бэстсэлерам ў Эўропе.

У сакавіку 1996 году MC Erik & Barbara выдалі сынгл «Save the Jungle» і відэакліп, зроблены ў навукова-фантастычным стылі, у жніўні запісалі перавыданьне альбому «U Can’t Stop (’96 version)», які меў вялікі посьпех у Нямеччыне, Бэльгіі, Фінляндыі і Швайцарыі. У 1996 годзе MC Erik & Barbara прадстаўлялі Славаччыну на конкурсе Эўрабачаньне, пасьля якога выправіліся ў вялікі тур па Эўропе.

У 1998 годзе праект Эрыка і Барбары распаўся, бо кожны вырашыў распачаць сольную кар’еру.

У 2010 годзе MC Erik & Barbara з кампаніяй TRUSTIA выдалі новы альбом, які называўся «2010» і складаўся з 14 песьняў: сямі наноў перазапісаных гітоў, пяці новых песень і двух рэміксаў.

Дыскаграфія

Альбомы

Сынглы

«U Can’t Stop» (1995 год)
«I’m Free» (1995 год)
«Summer Nights» (1995 год)
«Save the Jungle» (1996 год)
«Dancing Queen» (1996 год)
«It’s Your Day» (1996 год)

Вонкавыя спасылкі

Інфармацыя пра гурт на discogs.