Krou

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Кроў (Kroŭ, Krou) — музыка, рэпер, актор тэатра й незалежнага кіно, публіцыст (палітычнай і эканамічнай тэматыкі), прадусар; стваральнік і вядучы праграмы «Black Beat» на радыё «Рацыя»; аўтар, рэжысэр, выканаўчы прадусар і вядучы адукацыйна-забаўляльнай праграмы для моладзі «YoLife!» на ТВ — Белсат, уладальнік музычнага выдаўніцтва Ambasada Music Group, кампаніі KROU Entertainment, бізнэсовец, стваральнік аднаго зь першых беларускамоўных хіп-хоп праектаў Чырвоным па Белым (ЧпБ).

Жыцьцёвы дэвіз Krou: «Ты маеш роўна столькі, колькі хочаш мець. А калі маеш замала, значыць замала хочаш.»

Біяграфія[рэдагаваць | рэдагаваць крыніцу]

Нарадзіўся на Гарадзеншчыне й вырас і выхаваўся на Палесьсі (вярхоўна-літоўскім).

Творчасьць[рэдагаваць | рэдагаваць крыніцу]

Першы яго выступ з гуртом ЧпБ адбыўся ў 2005 годзе на фэстывалі Басовішча.

Прымаў удзел у Басовішча-2005, Басовішча-2006, Басовішча-2007, XL BRUK MegaShow Festival — 2006, 2007… А таксама ў фэстывалі Беларускі Андэрграўнд 2 у Варшаве, на ім гурт ЧпБ упершыню выступіў у складзе: Krou, Realize, Zeman, Jaycop і DJ Spox.

На дадзены момант Кроў працуе над сваім сольным альбомам.

Працуе над кнігай для моладзі, на гаспадарча-эканамічную тэматыку, цяжкая тэматыка напісаная моладзевай мовай. Працоўная назва кнігі: «Як стварыць ідэальную краіну крок па кроку, …або рэпер на прэзыдэнта».

Граў у славутым варшаўскім (Польшча) тэатры Stara ProchOFFnia, у п’есе «Неба» вядомага беларускага драматурга й сцэнарыста Андрэя Курэйчыка.

Грае адну зь перша-плянавых роляў (боса гопнікаў) у сэнсацыйна-камэдыйным мастацкім фільме «Piąty Zmysł» (па-беларуску: Пятае Пачуцьцё), ля боку вядомых зорак польскага сучаснага кіно, польскага рэжысэра Пётра Коханьскага.

Музычныя праекты[рэдагаваць | рэдагаваць крыніцу]

alter-ego — Ambasadar KROU[рэдагаваць | рэдагаваць крыніцу]

Сольны праект Ambasadara KROU’a, вядомага слухачам з ужо вядомага гурту Чырвоным па Белым. Творчасьць Кроў’а, адрозьніваецца ад ЧпБ больш meinstream’овым падыходам да хіп-хоп’а. Шыкоўныя, «смачныя», дынамічныя і модныя інструмэнталы. Цікавыя, саркастычныя, часам забаўныя, часам трохі агрэсіўныя тэксты перамешаныя вялікай колькасьцю дасьціпных punch-line’аў, skills’амі і непаўторным flow. З упэўненасьцю можна сказаць, што сольная творчасьць Кроў’а прыпадзе да густу людзям, якія любяць забаву, імпрэзы, якія ня здольныя сядзець у адным месцы. Ідэальная музыка да клюбаў і на «вуліцу».

Дыскаграфія[рэдагаваць | рэдагаваць крыніцу]

Альбомы[рэдагаваць | рэдагаваць крыніцу]

Супольныя праекты[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]