Ясы

Ясы
	Ясы
	Населены пункт
Сьцяг	Герб
Краіна	Румынія
Першыя згадкі	1408
Дата заснаваньня	XIV стагодзьдзе
Кіраўніцтва і ўлада
mayor of Iași[d]	Міхай Кірыка[d]
Геаграфія
Плошча	93,9 км²
Вышыня НУМ	66 м
Часавы пас	UTC+2; UTC+3 (летні час);
Каардынаты	47°09′44″ пн. ш. 27°35′20″ у. д.HGЯO
Насельніцтва
Колькасьць	362 142 чал. (2016)
Афіцыйная мова	румынская мова
Лічбавыя ідэнтыфікатары
Тэлефонны код	02-32
Паштовы індэкс	700001–700951
Нумарны знак	IS
Сайт	primaria-iasi.ro
	Ясы на мапе Румыніі Ясы

Я́сы (па-румынску: Iaşi) — горад на паўночным усходзе Румыніі. Адміністрацыйны цэнтар аднайменнага жудзецу, былая сталіца Малдаўскага княства, цэнтар Заходняе Малдовы. Насельніцтва 362 142 чалавекі (2016 год).

Ясы часам называюць «калыскай румынскае культуры»^[4].

Гісторыя

Упершыню згадваецца ў 1408 годзе. З 1565 да 1862 году Ясы былі сталіцай Малдаўскага княства. З аб’яднаньнем Малдовы і Валахіі, у 1859—1862 гг. у Ясах знаходзіўся адзін з двух урадаў Румыніі.

У 1916—1918 у Ясах знаходзіўся ўрад Румыніі, які падтрымліваў хаўрусныя стасункі з Антантай (Бухарэст быў акупаваны аўстрыйскімі войскамі).

Габрэі складалі значную частку, а пэрыядычна і большасьць насельніцтва, пачынаючы з XVIII стагодзьдзя. У Ясах паўстаў першы габрэйскі тэатар, які граў на ідыш. Падчас Другой сусьветнай вайны большая частка габрэйскага насельніцтва была дэпартаваная ў Трансьністрыю (Прыднястроўе); большасьць тых, хто выжыў, рэпатрыявалася ў Ізраіль у пасьляваенныя гады. З 127 сынагогаў засталася толькі адна.