Янка Крук

Янка Крук
Дата нараджэньня	15 чэрвеня 1954(1954-06-15) (67 гадоў)
Месца нараджэньня	Згурск[d], Ігуменскі раён, Менская вобласьць, БССР, СССР
Месца вучобы	МДПІ (1975)
Занятак	фальклярыст
Месца працы	Інстытут мастацтвазнаўства, этнаграфіі і фальклёру Акадэмія пасьлядыплёмнай адукацыі[d] Беларуская дзяржаўная акадэмія мастацтваў Беларускі дзяржаўны ўнівэрсытэт культуры і мастацтваў
Навуковая ступень	кандыдат філялягічных навук

Іва́н Іва́навіч Крук (нарадзіўся 15 чэрвеня 1954 году, в. Згурск, Ігуменскі раён, Менская вобласьць) — беларускі фальклярыст. Кандыдат філялягічных навук (1985), рэктар Інстытуту культуры Беларусі.

Біяграфія

Скончыў Менскі пэдагагічны інстытут (1975). Працаваў настаўнікам. 3 1979 у Інстытуце мастацтвазнаўства, этнаграфіі і фальклёру АН Беларусі, зьяўляўся вучоным сакратаром. З 1992 у Акадэміі пасьлядыплёмнай адукацыі, загадчык катэдры. З 1998 прарэктар Беларускай акадэміі мастацтваў, пасьля загадчык катэдры, дацэнт Беларускага дзяржаўнага ўнівэрсытэту культуры і мастацтваў. У 2011 прызначаны рэктарам Інстытуту культуры Беларусі.

Дасьледуе беларускі фальклёр, народную культуру, беларускі народны каляндар і іншае. Аўтар манаграфіяў «Усходнеславянскія казкі пра жывёл» (1992), «Сьледам за сонцам: Беларускі народны каляндар: сьвята, абрады, паэзія» (1994), суаўтар прац «Магія слова чароўнага», «Беларускі фальклор у сучасных запісах: Традыцыйныя жанры: Мінская вобласьць» (абедзьве 1995), «Народная культура і сучасная школа» (1996) і іншых. Завяршае работу над доктарскай дысэртацыяй «Лікавы код у міфапаэтычнай спадчыне Беларусі».

Літаратура

• Саламевіч І. Крук // БЭ ў 18 т. Т. 8. Мн., 1999.