Якуб Гузьней
| Якуб Гузьней Якуб Амяльянавіч Гузьней | |
| 1892 — не раней за 1925 | |
| Месца нараджэньня | в. Гольчыцы, Слуцкі павет, Менская губэрня, Расейская імпэрыя |
|---|---|
| Месца сьмерці | ? |
| Прыналежнасьць |  Расейская імпэрыя,.svg){kind=small} Беларуская Народная Рэспубліка
|
| Род войскаў | пяхота |
| Гады службы | 1914—1921 |
| Званьне | паручнік |
| Камандаваў | 1 ротай Першай брыгады Першай брыгады Войска БНР |
| Бітвы/войны | Першая сусьветная вайна Польска-бальшавіцкая вайна Слуцкі збройны чын |
Якуб Гузьней (1892, в. Гольчыцы, Слуцкі павет, Менская губэрня, Расейская імпэрыя — ?) — беларускі грамадзка-палітычны і вайсковы дзеяч. Удзельнік Слуцкага збройнага чыну 1920 году, камандаваў першай ротай у Першай Брыгадзе войска БНР[1].
Удзельнік Першай Сусьветнай вайны. Ваяваў на Паўночным фронце ў складзе 5-й расейскай арміі[1].
Пасьля Лютаўскай рэвалюцыі 1917 году актыўна працуе ў беларускім вайсковым руху. Дэлегат зьезду беларусаў-вайскоўцаў паўночнага фронту ў Віцебску[1]. Удзельнік Першага Усебеларускага Зьезду ў Менску[1]. Сябра Цэнтральнай Беларускай Вайсковай Рады[1]. Падчас польска-савецкай вайны – рэзэрвовы афіцэр Беларускай вайсковай камісіі[1].
Удзельнік Слуцкага Збройнага Чыну, паручнік[2], камандаваў першай ротай у Першай Брыгадзе войска БНР[3]. Пасьля ліквідацыі Слуцкага паўстаньня, жыў у Заходняй Беларусі[1]. Далучыўся да антыпольскай партызанкі[1]. Пачынае супрацоўнічаць з савецкімі ўладамі[1]. У чэрвені 1924 нелегальна трапляе ў Менск, дзеля ўдзелу ў ліквідацыйным зьезьдзе Беларускай партыі сацыялістаў-рэвалюцыянэраў[1].
Па вяртаньні ў Заходнюю Беларусь нелегальна перабіраецца ў Летуву, дзе 23 жніўня 1924 просіць палітычнага прытулку[1]. Працаваў пры прадстаўніцтве БНР у Коўна, належаў да групы Цьвікевіча[1].
Пасьля 1925 далейшы лёс невядомы.
Літаратура
[рэдагаваць | рэдагаваць крыніцу]- Слуцкі збройны чын 1920. у дакумантах і ўспамінах., Менск, Медысонт, 2006.
Крыніцы
[рэдагаваць | рэдагаваць крыніцу]- ^ а б в г д е ё ж з і к л Вашкевіч Андрэй, Пашкевіч Алесь, Чарнякевіч Андрэй Кароткі нарыс беларускага пытаньня. — 1-е выд. — Менск: І. П. Логвінаў, 2008. — 396 с. — ISBN 978-985-6901-22-8
- ^ Ніна Стужынская «ЗЯЛЁНЫ ДУБ» // Беларусь мяцежная. З гісторыі ўзброенага антысавецкага супраціву ў 1920-я гг.. — 2-е выд. — Вільня: Наша будучыня, 2011. — С. 334. — 384 с.
- ^ Ніна Стужынская «ЗЯЛЁНЫ ДУБ» // Беларусь мяцежная. З гісторыі ўзброенага антысавецкага супраціву ў 1920-я гг.. — 2-е выд. — Вільня: Наша будучыня, 2011. — С. 85. — 384 с.