Эўравыклік ФІБА
| Эўравыклік ФІБА | |
 | |
| Дысцыпліна | Баскетбол |
|---|---|
| Дата зьяўленьня | 2003 |
| Арганізатар | ФІБА Эўропа |
| Колькасьць удзельнікаў | 32 |
| Кантынэнты | Эўропа |
| Дата зьнікненьня | 2015 |
| Узровень у пірамідах | 3 (2004—2015) |
Э́ўравы́клік (па-ангельску: EuroChallenge) — колішняе эўрапейскае баскетбольнае мужчынскае спаборніцтва 3-га ўзроўню, якой ладзілася ФІБА Эўропа у пэрыяд з 2003 па 2015 гады. Фіналісты Эўравыкліку траплялі ў Эўракубак.
Гісторыя
[рэдагаваць | рэдагаваць код]Турнір быў створаны ў 2003 годзе пасьля выхаду большасьці вядучых эўрапейскіх баскетбольных клюбаў з былой Супралігі ФІБА, што паклала пачатак стварэньню новай вэрсіі Эўралігі не пад эгідай ФІБА. ФІБА ж з свайго боку імкнулася стварыць спаборніцтвы, падобныя да былой Супралігі, каб канкураваць з Эўралігай. З сэзону 2004—2005 гадоў і пасьля таго, як ФІБА санкцыянавала Эўралігу і Кубак УЛЕБ, Эўравыклік уважаўся за трэці паводле моцы міжнародным прафэсійным баскетбольным спаборніцтвам для мужчынскіх клюбаў у Эўропе. Хоць цягам першых двух сэзонаў суіснаваньня спаборніцтваў з Эўракубкам, Эўравыклік, які называўся як Ліга ФІБА Эўропы, быў улюбёным турнірам сярод італьянскіх, расейскіх і грэцкіх клюбаў, што рабіла яго і Кубак УЛЕБ даволі параўнальнымі паводле моцы.
Пачынаючы з сэзону 2007—2008 і па складаньні пагадненьня паміж УЛЕБ і ФІБА, два фіналісты Эўравыкліку траплялі ў наступным сэзоне ў Эўракубак. У 2015 годзе ФІБА-Эўропа скасавала Эўравыклік, каб стварыць новы турнір другога ўзроўню пад назовам Кубак ФІБА Эўропы, каб паспрабаваць канкураваць з Эўракубкам[1].
Мінуўшчына
[рэдагаваць | рэдагаваць код]
| Сэзон | Пераможца | Фіналіст | Вынік | Места |
|---|---|---|---|---|
| 2003—2004 |  УНІКС |
 Марусі |
87:63 | Казань |
| 2004—2005 | Дынама Санкт-Пецярбург |
 Кіеў |
85:74 |  Стамбул |
| 2005—2006 |  Жувэнтут |
Хімкі |
88:63 | Кіеў |
| 2006—2007 | Акасваю Жырона |
Азоўмаш |
79:72 | Жырона |
| 2007—2008 |  Баронс ЛМТ |
.svg){kind=small} Дэксыя Монс |
63:62 |  Лімасол |
| 2008—2009 |  Віртус Балёньня |
 Шале |
77:75 | Балёньня |
| 2009—2010 |  Гётынген |
Красныя крылы |
83:75 | Гётынген |
| 2010—2011 |  Крка |
Лякаматыў-Кубань |
83:77 | Оостэндэ |
| 2011—2012 | Бэшыкташ |
Элян Шалён |
91:86 |  Дэбрэцэн |
| 2012—2013 | Красныя крылы |
Пінар Каршыяка |
77:76 | Ізьмір |
| 2013—2014 | Рэджана |
Трыюмф |
79:65 | Балёньня |
| 2014—2015 | Нантэр-92 |
Трабзанспор |
64:63 | Трабзон |