Энвэр Галім

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Энвэр Галім
Ənwər Ğalim, Әнвәр Галим
Асабістыя зьвесткі
Псэўданімы Мусабай
Нарадзіўся 15 сакавіка 1915
Сьцяг Расейскай імпэрыі Казань
Памёр 2 сакавіка 1988
Сьцяг ЗША Нью-Ёрк
Літаратурная дзейнасьць
Род дзейнасьці журналіст, перакладнік
Мовы татарская, расейская, ангельская
Значныя творы Біблія па-татарску

Энвэр Галім (па-татарску: Ənwər Ğalim, Әнвәр Галим; 15 сакавіка 1915, Казань, Расейская імпэрыя — 2 сакавіка 1988, Нью-Ёрк, ЗША[1]) — татарскі пісьменьнік і журналіст, адзін зь перакладнікаў Бібліі на татарскую мову.

У 1938 року Энвэр Галім скончыў Інстытут татарскай мовы і літаратуры, пасьля чаго працаваў школьным настаўнікам і журналістам. У 1941 трапіў у войска, ваяваў з нацыстамі. Моцна паранены, трапіў у нямецкі палон. Знаходзячыся ў лягеры для ваеннапалонных, пачаў пісаць артыкулы для газэты «Ідэль-Урал», якая выдавалася для татарскіх легіянэраў. Пасьля вызваленьня збаяўся вяртацца ў СССР, а каб пазьбегнуць дэпартацыі, прыняў турэцкае грамадзянства і зьмяніў імя на Энвэр Галімаглу.

Па вайне працягнуў журналісцкую кар’еру, пісаў артыкулы для часопіса татарскіх эмігрантаў «Азад Ватан» (бел. Вольная Радзіма). У 1953—1988 працаваў радыёжурналістам у татарска-башкірскай службе Радыё «Свабода» (з 1968 — нью-ёрцкі карэспандэнт). У ЗША далучыўся да Рэспубліканскае партыі, актыўна ўдзельнічаў у палітычных мерапрыемствах.

Вольна валодаў татарскай, расейскай, нямецкай, турэцкай і ангельскай мовамі. Адным зь ягоных найзначнейшых твораў стаў пераклад Бібліі на татарскую мову.

Крыніцы[рэдагаваць | рэдагаваць крыніцу]

  1. ^ Person Details for Enver Galim, «United States Social Security Death Index»(анг.) FamilySearch.org Праверана 28 сакавіка 2016 г.