Эдуард Валасевіч

	Эдуард Валасевіч
Асабістыя зьвесткі
Нарадзіўся	12 сакавіка 1918; Магілёў, Заходняя вобласьць, Савецкая Расея;
Памёр	2 верасьня 1997 (79 гадоў); Менск, Беларусь;
Літаратурная дзейнасьць
Род дзейнасьці	перакладнік, пісьменьнік, паэт
Узнагароды	; Грамата Прэзыдыюму Вярхоўнага Савету БССР[d]

Эдуа́рд Станісла́вавіч Валасе́віч (12 сакавіка 1918, Магілёў — 1997) — беларускі пісьменьнік, паэт-байкапісец.

Біяграфія

Нарадзіўся 12 сакавіка 1918 году ў Магілёве ў сям’і чыгуначніка. Спачатку навучаўся ў чыгуначнай сямігодцы. У 1935—1936 гадох працаваў грузчыкам на чыгунцы. У 1941 годзе скончыў літаратурны факультэт Магілеўскага пэдагагічнага інстытуту.

З 1941 году ў Чырвонай Арміі, спачатку ў першым камуністычным зьнішчальным батальёне пры ЦК Камуністычнай партыі Беларусі, потым — у дзеючай арміі на Бранскім, Заходнім франтах. У 1943 годзе быў цяжка паранены. Зь лістападу 1943 году працаваў у Дзяржаўным архіве Аджарскай АССР (г. Батумі). З 1944 году выкладаў фальклёр і расейскую літаратуру ў Магілёўскім пэдагагічным інстытуце. Працаваў у магілёўскай абласной газэце «За Радзіму».

У 1952 годзе пераехаў у Менск. Працаваў у часопісах «Полымя», «Вожык», у Беларускай дзяржаўнай філярмоніі.

Сябра Саюзу пісьменьнікаў СССР з 1950 году. У 1970—1974 гадох — дырэктар Беларускага аддзяленьня Ўсесаюзнага ўпраўленьня па ахове аўтарскіх правоў Саюзу пісьменьнікаў СССР^[2].

Творчасьць

Дэбютаваў у друку ў 1938 годзе. Першую кніжку «Вершы і байкі» выдаў у 1954 годзе. Аўтар зборнікаў баек «Залатая рыбка» (1957), «Як дбаеш — так і маеш» (1958), «Арліны суд» (1959), «Соль» (1962), «На вясёлай хвалі» (1967), «Туды і рак з кляшнёй…» (1970), «Палюсы» (1977), «Кругавая парука» (1979) і іншыя.

Басьні Валасевіча адметныя актуальнасьцю тэматыкі, камізмам сытуацыяў, жывым народным гумарам. Пісаў гумарыстычныя вершы і басьні для дзяцей (зборнікі «Камар-званар» (1959), «Горкі мёд» (1967) і іншыя), аднаактавыя камэдыі, скетчы, эпіграмы і пародыі.

Перакладаў з расейскай мовы творы І. Батрака, з украінскай М. Старыцкага.

Бібліяграфія

Басни. — М., 1958
Казёл адпушчэння. — Мн., 1968
Рагаты анёл. — Мн., 1978

Узнагароды

ордэн Айчыннай вайны II ступені.

Крыніцы

^ Èduard Stanìslavavìč Valasevìč // Нацыянальная служба Чэскай рэспублікі
^ Волосевич Эдуард Станиславович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 122—123. — 737 с.

[_6dc893509969022f-1] Èduard Stanìslavavìč Valasevìč // Нацыянальная служба Чэскай рэспублікі

[2] Волосевич Эдуард Станиславович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 122—123. — 737 с.

[1]

[2]